Алнашын усьтӥськиз Семён Виноградовлэн адӟытонэз

Удмурт Дунне
By Удмурт Дунне 16 марта, 2016 12:14
виноградов

С. Виноградовлэн «Удмурт етӥн» суредэз.

Алнашысь культурая центрын усьтӥськиз Удмуртиысь калык художниклэн Семён Виноградовлэн адӟытонэз

Семён Виноградовлы туэ тырмиз 80 арес, таин валче суредась пыриське пӧртэм ужрадъёсы, конференциосы, выставкаосы. Вордӥськем палъёсаз усточи шумпотыса вуылэ. Выставка дасяло шуыса тодэмез бере, С. Виноградов Алнашысь культурая центрлы нош ик 10-лэсь уно картиназэ кузьмаз. Адӟытонэ туж трос калык люкаськиз, усточилэн татын 50-лэсь уно суредъёсыз возьматэмын. Семён Николаевич ӧжыт гинэ бере ӧз кыльы аслэсьтыз адӟытонзэ усьтонэ, алнашъёс сое возьмано луизы. Мугез — художник ӝегаз куноын.

— Мон Алнаше мынӥсько ке, одно ик куное пырисько Сандок ӵужкенаке — Александра Романовна Резунова — доры. Со 90 аресэз пала вуэ ни. Та нылкышно зол йырсазеныз но трос тодэменыз тодам вайытэ тодосчиез Фома Ермаковез, Шайтангуртысьтымы Паризапаез но Огырчи ёросысь Варлед-Бӧдьяысь Аннушкапаез. Сандок ӵужкенак выжыосмес, гуртоосты, калык сям-йылолъёсты ӟеч тодэ. Соин вераськыны-юалляськыны кутскисько ке, дыр сярысь вунэтӥсько. Выставкаям но мынэмез потэ вал — ӧй лэзьы, куазь туж гылыт, шуи. Но адӟытонам ветлӥз кенэз. Та выставкаын вал Сандок ӵужкенакелэн но портретэз, мон сое суредай вал ай гуртысь передовикъёслэсь портретъёссэс лэсьтыкум. Вераны кулэ, туж усто выставка дасяллям алнашъёс, крезьгуро сопровождениез но зол вал. Паймытӥзы Азамат школаысь нылпиос. Соос гитараен шудыса кырӟазы. Адӟытонэз нуиз музейын ужась Елена Васильевна Соловьёва. Калыклэн юанъёсыз кылдыку, мон но вералляй ужъёсы сярысь, кызьы кылдӥз соиз я таиз суред, улонысь учыръёсме, малпанъёсме. Тау алнашъёслы, туж умой выставка дасяллям, — шуэ Семён Виноградов.

Галина Семёнова

Удмурт Дунне
By Удмурт Дунне 16 марта, 2016 12:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<