Адямилэн правоосызъя оскем муртлы 2 сюрслэсь ятыр адями вазиськиз

Удмурт Дунне
By Удмурт Дунне Март 31, 2016 10:08
солменников

Уполномоченной дӥне ӵем пыраллязы Сарапул, Глазов, Иж, Вотка городъёсын но Дэри, Балезино ёросъёсын улӥсьёс.

Адямилэн правоосызъя оскем муртлы Вениамин Соломенниковлы кылем арын вазиськиз 2 сюрслэсь ятыр адями.

Уполномоченной дӥне ӵем пыраллязы Сарапул, Глазов, Иж, Вотка городъёсын но Дэри, Балезино ёросъёсын улӥсьёс.

Вазиськонъёсъя валаны луиз: эмъян удысын тырмымтэос лачак. Гуртоослы уг кельшы, тазалыкез дунын йӧнатон паськыт вӧлмемын шуыса. Вениамин Васильевич шоркарысь больницаосты эскерыса потӥз. Дунын ӵемгес эмъяло Лек пыктосэн нюръяськонъя диспансерын. Воткаос куректо, синъёсты эскеронъя кабинетсы пытсаськиз шуыса. Балезиноосты, юкаменскъёсты шугъяськытэ койкаосты кулэстон. Ижысь анай-атайёс сюлмасько педиатръёслэн тырмымтэзы пумысен.

Трос вазиськонъёс герӟаськемын ӝог юрттэт сётӥсьёс ласянь. Сюресъёс — уродэсь. Машинаос — ларгамын. Элькунамы ваньмыз-ӧвӧлэз 240 ӝог юрттэт сётонъя «корт вал» ужа. Котькуд ньылетӥез 10 арлэсь кема ини питранъёссэ бергатэ. Лыдъямын: элькунмылы кулэ на эшшо 213 «скорой». Соку ини, зэмзэ но, эмъясьёс висисьёс доры 20 минут куспын вуттӥськозы. Туннэ та вакыт час но, кык но кыстӥське.

— Вазиськонъёсты ми Тазалыкез утёнъя министерствое келямы, — вераз Соломенников. — Азьланяз, оскисько, тырмымтэос палэнтэмын луозы.

Вениамин Васильевич алигес вуылӥз Вотка ёросысь Кудрино гуртысь мигрантъёслы чаклам центре, Ува каргуртысь изоляторе. Эскериз, кызьы уло-выло отчы шедемъёс. Мылкыдзэ усьтӥз: таослы, оло, республика укыр бадӟым саклык висъя. Юрттэтлы юнгес кулэясько сиротаос.

— Куд-огъёсызлы анай-атайтэк будэмъёслы 30 арес тырмемын ини, — вера уполномоченной. — Нош соослэн али но улон интызы ӧвӧл. Сыӵеослы амалтэк судэ вазиськоно луэ.

Россиысь улосъёс пӧлын Удмуртия уполномоченнойёслэн пайдаё ужамзыя азьветлӥсьёс радын. Вениамин Васильевич тае герӟа интыосысь кивалтӥсьёсын ӟеч кусып воземеныз.

Ольга Корепанова

Удмурт Дунне
By Удмурт Дунне Март 31, 2016 10:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<