8-тӥ-9-тӥ оштолэзе «Ингож» литературая семинар ортчоз

Удмурт Дунне
By Удмурт Дунне Март 31, 2016 10:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

ингож афишаЕгит гожъяськисьёс понна 8-тӥ-9-тӥ оштолэзе «Удмурт дунне» газет но егитъёслэн «Шунды» огазеяськонзы «Дзержинец» лагерьын радъяло литературая «Ингож» семинар.

Уж нуиськоз 3 секциосъя: проза, поэзия но драматургия. Егит гожъяськисьёсты визьнодалозы но соослэсь ужъёссэс эскерозы тодмо писательёс но литературоведъёс: писательёс, филология наукаосъя кандидат Виктор Шибанов, филология наукаосъя кандидат Вера Пантелеева но мукетъёсыз.

Вераны кулэ, проза секцие, верос но роман гожъясьёс сяна, пыриськыны быгато берыктонэн но критикаен вырисьёс. Драматургия секция возьма киноен вырисьёсты — семинар дыръя егитъёс гожтозы киносценарийёс. Гужем соосъя киноос лэсьтэмын луозы. Семинар бере поттэмын луоз егит гожъяськисьёслэн произведениосынызы бичет.

Семинаре пыриськон понна udmdunne@yandex.ru адресъя асьтэ ужъёстэс ыстэ. Кылбурчиос — 10-15 кылбуръёссэс, прозаикъёс — ог 5 веросъёссэс яке романзэс, критикъёс — ог 2-3 статьяоссэс, берыктӥсьёс — 2-3 ужъёссэс, драматургъёс но киноен вырисьёс — 1-2 пьесаоссэс яке кинолы сценарийёссэс. Эн вунэтэ асьтэ сярысь вакчияк гожтыны но туспуктэмдэс сётыны (бичетэ пыртон понна).

«Ингож» семинар улонэ пыӵа Нациосын ужан политикая министерстволэн юрттэмезлы луыса.

Мария Векшина

Удмурт Дунне
By Удмурт Дунне Март 31, 2016 10:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<