Ижын радъяське Нылпи книгалы сӥзем арня

Удмурт Дунне
By Удмурт Дунне 29 марта, 2016 12:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 

книгаос

Книга дано мед луоз.

2-тӥ оштолэзе Ижысь культурая колледжын Нылпи книгалэн нуналыз ортчоз.

Арлы быдэ, нылпиослэн тулыс каникулъёссы дыръя, Ижын радъяське Нылпи книгалы сӥзем арня. Со йылпумъяське бадӟым праздникен.

Ужрадэз ортчыто Ижысь нылпиослы но егитъёслы библиотека Культурая но туризмъя министерствоен валче. Та библиотекалэн кивалтӥсез Людмила Жикина верамъя, миым та праздник сӥземын вал Быдӟым Вормонлэн 70 ар тырмонэзлы. Туэ конкурслэн нимыз  — Дано мед луоз лыдӟиськись адями.

— Книгалэсь но лыдӟиськонлэсь данзэс ӝутон понна творчествоя ужъёслы таӵе тема сётӥмы. 7 арысен кутскыса 17 аресозь пиналъёс пыриськыны быгатӥзы отчы. Номинациос вал кӧня ке пумо. «Книгалы кузьым» нимаськисяз пиналъёс закладка лэсьтыны кулэ вал, «Огпол библиотекаын» номинацие библиотекаын луэм учыр сярысь верос гожтоно. «Умой книгалы — усто реклама» —  таяз лыдэ басьтӥмы нылпиослэсь произведениосты, бичетъёсты вӧлмытыны быгатэмзэс. «Кадрын — библиотека» номинациын эскеремын вал лыдӟиськонлы сӥзем роликъёс. Ваньзэ-ӧвӧлзэ конкурсэ вуиз 1 сюрс 957 уж. Тужгес но мыло-кыдо пыриськизы Балезино, Дэбес, Кизнер, Можга, Ува ёросъёсысь но Ижысь но Можгалась егит лыдӟисьёс. Вормисьёсты дырызлэсь вазь шараяме уг поты. Соосты ми сӤё-дано ӟечкылаломы 2-тӥ оштолэзе, — шуиз Людмила Александровна.

Вань номинациос пӧлысь пиналъёслы тужгес но тунсыко потэм нырысетӥез. Нылъёс-пиос паймытӥзы турлы закладкаосынызы. Кызьпу туйлэсь, весьёслэсь, кагазлэсь, шортлэсь, лентаослэсь лякылэм, пунэм, керттэм киужъёссэс ыстӥзы соос. Конкурсэ 1 сюрс 649 закладка вуиз.

 Галина Семёнова

Туспуктӥз А. Горбунов

Удмурт Дунне
By Удмурт Дунне 29 марта, 2016 12:55 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<