2 сюрс 500 пала шузимытӥсь суретъёсты вӧлмытонэн герӟаськем йыружъёс

Удмурт Дунне
By Удмурт Дунне Март 18, 2016 14:39
063969,сеть,сетка,фактура,кристалическая решетка

Берло дыре тросгес вӧлмыны кутскизы синтетикалэсь лэсьтэм шузимытӥсь суретъёс. Герӟаськемын со дунтэм луэменызы.

Кылем арын наркотикъёсты но шузимытӥсь суретъёсты вӧлмытонэн герӟаськем 2 сюрс 500 пала йыружъёс пусъемын.

Югдурез утёнъя министерствоысь наркотикъёсты вӧлмытонэн нюръяськонъя ёзлэн кивалтӥсезлэн воштӥсез Александр Бражников верамъя, берло дыре тросгес вӧлмыны кутскизы синтетикалэсь лэсьтэм шузимытӥсь суретъёс. Герӟаськемын со дунтэм луэменызы. Но таин ӵош соос тазалыклы туж кышкыт луо. Тросэз наркобаронъёс вуз каро Интернет пыр. Но югдурез утисьёс таӵеосты но кырмыны дышизы ни.

— Жаляса верано, , — вераз Александр Бражников. — Вӧлмытӥсьёс пӧлын но соос вань: кылем арын 12-ез ӝегатэмын. Озьы ик вуз каро нылкышноос — 62 мурт югдурез утисьёс ки улэ шедиз. Наркотикъёсты вӧлмытонэн вырисьёс пӧлысь 60 процентлэсь ятырез нокытын уг ужало.

Табере наркотикъёсты вӧлмытон понна кӧня ке мурт ӵош кариське. Озьы Ижысь одӥгез суд кылем арын огдыре 8 муртэ пытсэт сьӧры 77 но ӝыны арлы келяз. Шузимытӥсь суретъёсты соос Интернет пыр вӧлмыто вылэм Удмуртие но Воронеж улосэ. «Ужзэс» радъясьсы табере 13 но ӝыны ар кечат-вамат укно сьӧрын пукоз. Отӥосызлы 6 но ӝыныысен 11 арозь лякизы.

Пытсэт сьӧрын 18 ар визьмаськоз Иж город администрациысь егитъёсын ужанъя управленилэн кивалтӥсезлэн воштӥсез 29 аресъем Марат Шаймухаметов. Нош солэн эшез, Эгра ёросысь Депутатъёслэн Кенешысьтызы Константин Мухин — 8 ар.

Элина Васильева

Туспуктӥз А. Горбунов

 

 

Удмурт Дунне
By Удмурт Дунне Март 18, 2016 14:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<