«Ӟеч сюлэм» — Можга ёросысь Вишур гуртысь Светлана Маркова

Удмурт Дунне
By Удмурт Дунне 9 марта, 2016 15:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
апп

Можга ёросысь Вишур гуртысь Светлана Маркова.

Можга ёросысь Вишур гуртысь Светлана Маркова пичи дырысеныз ик малпаз эмъясь луыны.

Гуртысьтымы фельдшер-акушер пунктэ Светлана Сергеевна вуиз 1983-тӥ арын. Вордӥськемын со Глазов городын, чылкак ӟуч семьяын. Нош интыяськиз чылк-чылк удмурт гуртэ. Соин но, лэся, калыкен ужаны нырысь секыт йӧтӥз. Мӧйыос дораз лыкто но висёнзэс удмурт кылын валэкто. Ярам, вӧзаз удмурт юрттӥсез вал — санитарка Тамара Олина. Светлана Сергеевна соку валаз: удмурт кылэз тодытэк, ужаны секыт луоз. Тетрадь кутыса, аслыз кыллюкам лэсьтӥз, сое ӝӧказ возьылӥз. Ӝытъёсы клубе хоре поталляз, отын удмурт кырӟанъёсты быдэсъяллязы. Та дыре Светлана Сергеевна огкадь вольыт вераське ӟучен но, удмуртэн но.

Городэн ӵошатыса, гуртысь медпунктын ужаны, оло, каньылгес но: котькуд муртлэсь маин висемзэ но йӧнатӥськемзэ тодӥськод ни. Мукетъят вазиськыкуз, валаськод ни, кыӵе амаллэн пайдаез бадӟымгес луоз. Светлана Сергеевна шуэ: висисьлы вазиськы озьы, кызьы аслыд мед вазиськысалзы кадь.

Кузпалыныз Семён Анатольевичен ӵош будэтӥзы 2 нылпи. Танязы дышетске Санкт-Петербургысь университетын аспирантураын, нош Рома пизы армие кошкемын.

— Калыкез эмъям сяна, Светлана Сергеевна кема аръёс ӵоже ини луэ Кватчи муниципал кылдытэтлэн депутатэз. Светлана Сергеевна калыкез эмъюмен гинэ ӧвӧл, ӟеч кылыныз но бурмытэ, соин кенешыса, сюлмын ик капчи луэ, — шуэ Кватчи поселенилэн йырыз Н. Иванов.

С. Марковаез ӵектэммы потэ «Гурт адями» конкурслэн «Ӟеч сюлэм» номинацияз. Удмурт кылбурчилэн Флор Васильевлэн таӵе кылбурез вань — со быдэсак тупа  Светлана Сергеевналы:

Ӟеч муртлэн сылалэз но ческыт,

Тышкаськем куараез но лякыт.

Со доры мынӥськом дыртыса,

Анайлы кадь  туж юн оскыса…

Елена Романова,  Можга ёросысь Вишур гурт

Удмурт Дунне
By Удмурт Дунне 9 марта, 2016 15:50 Updated