Зинаида Рябинина: тазалыкез уд басьты?

Удмурт Дунне
By Удмурт Дунне 5 февраля, 2016 10:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

рябининаЗинаида Рябинина, валтӥсь редактор:

Азьло озьы шуо вал. Нош туала вакытэз чаклано ке,  сыӵе учыръёс луыло. Со туж умой — озьыен, эмъян удыс азинске.

Но соин ӵош кыре потэ мукетыз югдур: кинлэн ке тазалык басьтыны луонлыкез вань, мукетызлэн — ӧвӧл, кин ке кунгож сьӧрын эмъяськыны быгатэ, мукетыз 30 арескысеныз пиньтэм ветлэ…

Кун чотын юрттэтлы оскытэк, шаплыосыз вазисько пӧртэм фондъёсы, телевидение, Интернетэ. Почтальон арнялы быдэ редакцие пыртэ олокыӵе но городъёсысь благотворительной фондъёслэсь, черкъёслэсь юрттэт курыса вазиськонъёссэс. Гожтэтсы борды одно пуктэмын висись пиналъёслэн тусбуйёссы. Жальзылы уд чида, но юрттыны но луонлыкмы ӧвӧл. Озьы астэ мурт кайгуэз валасьтэм адямиен шӧдыса,  конвертъёсты сэргы люкаськод. Сыӵе ик гожтэтъёс нуналлы быдэ сямен вуо электрон почтаям. Нырысетӥ канал ялан вера, макем ӟеч быгато соос висись нылпиослы юрттыны. Калыклэсь уксёзэ бичам чотын. Но юрттэттэс возьма на со но со… Лэзиськод одӥг СМС. Мукетъят нош сыӵе ик ивор…

Ижысь филармониын ортчытӥзы висись пиналлы юрттонъя концерт. Туж ӟеч малпан. Угось адями  300 манетсэ токма гинэ уг сёты, со чотын  концерт учке. Филармония — ӟечокъёс, 100 сюрс манет люказы, но со уксё тырмыт ӧвӧл Германиын эскериськыны-эмъяськыны. Егит атай нош но нош вазиське Интернетын пукисьёслы.

Туж жаль нылпиос но, анай-атайёс но — таосыз, пиналзэс утялтэм сяна, кураськись кариськоно луо. Со сярысь малпаса, юзыр-кезьыр луоно. Сю-кык сю манет бордын гинэ ужпум ӧвӧл.

Малы кулэ тазалыкез утёнъя (страхованиея) фондъёс, адями, секыт учыре шедьыкуз, олокинлэсь кураськоно луэ ке. Мон фондэ трос аръёс ӵоже котькуд толэзь тырисько уждунысьтым кӧня ке процентсэ, но  шуге-леке шедид ке (тьфу-тьфу), юрттэтсылы оскон ӧвӧл. Мыным потэ, калык сокем дышиз ни ваньзэ чиданы, нош кунмы калык вылэ оскиськыны. Туж паймыса кылзӥсько, куке Кун Думаысь депутатъёс шара куректо ужамтэ уждунзы пумысен — угось азьвыл чакламъя соос декабрёзь ужаны кулэ вал, нош быръёнъёсты 2 толэзьлы матэктэмен, октябрь-ноябрь понна  уждунзэс ыштыны быгатозы. Валамон ук, минималка понна уг куректо. Малы сое висись нылпиослы сётонтэм?

Удмурт Дунне
By Удмурт Дунне 5 февраля, 2016 10:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<