Вожвылъяськозы сиён пӧрасьёс

Related Articles

• Ижын поттозы трактор 0 07.Фев
• Выль номер: Удмурт калыклэн лулыз 0 05.Апр
• Школаосын уг тырмо историяя урокъёс 0 17.Апр

Шаерамы толон усьтӥськиз «WorldSkillsRussia» («Егит профессионалъёс») ӵошатскон. Со кыстӥськоз 3 нунал ӵоже.

«WorldSkills» — со 1946-тӥ арын дуннеын кылдытэм движение, кудӥз ужпум пуктэ рабочийлэсь данзэ ӝутыны. Отчы пырисько Россиысь 46 улосъёс. Удмурт Элькунлэн Тӧроез А. Соловьёв кичӧлтэмъя туэысен соос борды итӥське Удмуртия но. Озьы огкылэ вуэмын «Ворлдскиллс Россия» ӵошатсконэз Удмуртиын но ортчытыны. Сое радъяло Правительство, Дышетонъя но наукая министерство, Ижысь техникая кун университет.

Кужымзэс мерталозы пӧртэм удысъёсысь 16 аресысен 25 аресозь егит специалистъёс: токарьёс, фрезеровщикъёс, сварщикъёс, электромонтёръёс, столяръёс, сиён пӧрасьёс, машина тупатъясьёс, покчи классъёсты дышетӥсьёс, йырси ӵышкисьёс — ваньзэ-ӧвӧлзэ 14 удысъёсъя. Соос возьматозы ӝог но усто ужаны, ӟеч арбериос лэсьтыны быгатэмзэс. Вормисе потэмъёс синпель кузьымъёсын но таукаронъёсын пусъемын луозы.

Елена Никитина