Ужасьёслэн уждунъёссы 4 миллиард 332 миллион манет тыр ӝегатэмын

Удмурт Дунне
By Удмурт Дунне 26 февраля, 2016 12:34
063579,купюра,деньги

Кылем толэзе гинэ со 760 миллионлы (яке 21 процентлы) ичигес вал ай.

Со сярысь ивортэ Росстат.

Та лыдпус лымы комок кадь будэ: кылем толэзе гинэ со 760 миллионлы (яке 21 процентлы) ичигес вал ай. Уждунэз ӝегатон ласянь азьпал радын Санкт-Петербург — ужасьёслы отын тыремын ӧвӧл 1 миллиард 389 миллион манет уждун, со бӧрсьы мынэ Приморск улос — ӝегатэмын 360 миллион манет, Москваын — 214 миллион.

Удмуртиын пунэмъёс кылдэмын 1 сюрс 695 адямиос азьын, ӝегатэмын 62 миллион 200 сюрс манет уждунзы. Котькуд ужасьлы быдэ пунэмъёс усё 36 сюрс манет пала. Югдур ӟеч ик ӧвӧл: берло толэзь куспын гинэ пунэмъёс йылӥзы 9 но ӝыны миллион манетлы. Та ласянь Россиысь улосъёс пӧлын асьмеос 15-тӥ интыын, Приволжск федерал округъя — нырысетӥын, угось бускельёсынымы ӵошатыса, асьме дорын та лыдпус 3 поллы ятыргес. Тужгес но ичи пунэмъёссы Марий Элын — 4 но ӝыны миллион пала, нош Мордовиын уждунэз ӝегатон учыръёс воксё но пусъемын ӧвӧл.

Со сяна, шаерамы йылэ ужтэк кылемъёслэн лыдзы. Ужъя но миграция политикая министр Надежда Губская ивортэмъя, 3-тӥ февральлы ужтэк пукисьёс лыдзы 10 сюрс 65 мурт вал ке, арня куспын та лыдпус 200 муртлы унояз. Со вие ик кулэсмо ужан интыос: арня куспын 500-лы синӥзы. Вакансиос тужгес но трос кулэсмемын лэсьтӥськон удысын. Министр оскытэмъя, тулыс югдур тупатскыны кулэ.

Удмурт Дунне
By Удмурт Дунне 26 февраля, 2016 12:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<