Уйпаллы но лымшорлы адӟем карымон

Удмурт Дунне
By Удмурт Дунне Февраль 19, 2016 11:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Ижысь Эшъяськон юртэ, Кун Думалэн комитетэзлэн кенешоназ, Удмуртиысь уно пќртэм выжыысь адямиос люкаськылћзы.

Ижысь Эшъяськон юртэ, Кун Думалэн комитетэзлэн кенешоназ, Удмуртиысь уно пќртэм выжыысь адямиос люкаськылћзы.

Кылем арняе аслэсьтыз кенешсэ Удмуртиын ортчытӥз Кун Думалэн национальностьёслэн ужъёссыя комитетэз. Россия Федерациысь 2025-тӥ арозь национальной кун политикая стратегилэсь быдэсъяськемзэ эскеризы Удмуртилэн ужамез вылын.

Кенеше, асьсэос депутатъёс, элькунысьтымы вылӥ кивалтӥсьёс сяна, пыриськизы шаерысьтымы пӧртэм выжы калыкъёслэн огазеяськонъёссы.

Удмуртилэн Тӧроез Александр Соловьев шуиз:

— Ми шумпотӥськом, Удмуртия ӟеч ласянь адӟем карымон луэ шуыса. Ми зэмзэ но тужгес зӥбыт улос луиськом, калыкъёс куспазы тупаса уло. Калык кусыпъёсты утёнлы нимысьтыз саклык висъяны тыршиськом. Кылсярысь, кылдытэмез дырысен ини азинлыко тырше Нациосын ужан политикая министерство, 8 ар талэсь азьло усьтӥм Эшъяськон юрт. Татчы интыяськемын 35 мерлыко огазеяськон. Табере таӵе юртъёс ужало ни 6 ёросын. Элькун ласянь дурбасьтыны тыршиськом калык сямъёсты азинтӥсь ужрадъёслы. Бен, сюлмаськонъёсыз вань котькуд калыклэн, но ми тыршиськом соосты сэрттыны-пертчыны. Ог-огдэ валан но бускеленыд тупаса улон уго котьмалэсь дуно, сотэк адямиос пазьгисько, керетонъёс пото.

Элькунысьтымы национальной политика удысын вылӥ кивалтӥсьёслэн но национально-культурной огазеяськонъёслэн ужамзылы вылӥ дунъет сётӥз Кун Думаысь национальностьёслэн ужъёссыя комитетлэн кивалтӥсез Гаджимет Сафаралиев:

— Мон адӟисько, макем трос саклык висъяське шаерады улӥсь котькуд калыклы, соосты огазеянлы. Соос пӧртэмесь ке но, огвыллемесь: уло, ог-огзылэсь сямъёссэс-йылолъёссэс тодыса, лулчеберетсэс адӟыса. Ми ваньмы туж турлы: пӧртэм тусмы, кылмы, кырӟанъёсмы, но кунмы асьмелэн одӥг — Россия, соин ик асьмеос огкылысь луыны кулэ. Ми мигрантъёс ӧвӧл, котьку улӥм та музъем вылын, соин ик со асьмелы дуно.

Нош Удмурт Элькунысь нациосын ужан политикая министр Лариса Буранова ӵектӥз асьме дорын Россиысь вань пичи калыкъёслэсь фестивальзэс ортчытыны.

— Мон малпасько, татчы уйпалась гинэ ӧвӧл, лымшорысь калыкъёслэн но лыктэмзы потоз, ми юрттом ваньмызлы ог-огенызы эшъяськыны, ӟеч кусыпъёс тупатыны, асьмелэсь быгатэммес возьматом, мукетъёслэсь дышетском, — шуиз со.

Нялтас вераса, кенешон ӵап тупаз удмуртъёслэн бадӟым ӧтчамзы ортчон нуналэ, озьы комитетысь адямиослэн луонлыксы вал удмурт азьветлӥсьёсын, асьме калыклэн ужпумъёсыныз тодматскыны.

Ольга Зорина

Туспуктӥз Э. Карипов

Удмурт Дунне
By Удмурт Дунне Февраль 19, 2016 11:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<