Удмуртилэн Тӧроез Александр Соловьев пумиськылӥз Владимир Путинэн

Удмурт Дунне
By Удмурт Дунне 2 февраля, 2016 17:12
Кремль Путин 11

Кивалтӥсьёс вераськизы Удмуртилэн азьлань сюресэз сярысь но.

Александр Соловьев тодматӥз Владимир Путинэз шаермылэн улон-вылонэныз, экономикаеныз. Кивалтӥсьёс вераськизы Удмуртилэн азьлань сюресэз сярысь но.

Удмуртилэн Тӧроез веранзэ мытӥз демография бордысен. Кылем арын шаерамы 22 361 пинал вордӥськиз, валля арен  ӵошатыса, со 35 нылпилы тросгес. Кулэмъёслэн лыдзы но трос ӧвӧл – 19 500 адями. Озьыен, шаерамы улӥсь калык 2807 муртлы йылӥз. Озьы ик палэнэн кошкыны мылкыд карисьёс но ӧжытгес кылизы, со вие дорамы вуиз 600 мурт. Таӵеез берло 20 ар ӵоже ӧй вал на, вераз Александр Васильевич.

Промышленностья индекс шаерамы — 97, 9. Та лыдпус возьматэ, Удмуртиын экономика ӝутӥське шуыса. Умой ужа гурт удыс, вуз поттэмын оглом 67, 3 миллиард манет тыр: сӥль, йӧл, бакча емышъёс. Со асьмемыз но сюдыны тырме, Россиысь 63 улосвылъёсы но келяны кыле на. Со сяна, лэсьтӥсько сюресъёс, нылпи садъёс, пуктӥсько улон коркаос.  Трос вормонъёс басьтэ  Автозавод. Ми дорын 5 800 «Лада Веста» машина пала поттэмын ни. 10-эз соос пӧлысь муниципал кылдытэтъёсы сётэмын.

— Умой-а ворттыло? – юатэк ӧз чида В. Путин.

— Ушъяло, — вераз В. Соловьев.

Пумиськон дыръя ӝутэмын вал висьытӥсь ужпумъёс но: шаерамы бичам вытъёслэн бадӟым люкетэз кошке федерал коньдэтэ, Ижысь аэропортысь лобӟон-пуксён сюресэз тупатъяно…

Шаерамы мытэмын М. Калашниковлэн 100 ар тырмонэзлы сӥзем пусйыны дасяськон. В. Путин та ужын юрттыны сӥзиз.

Мария Векшина

 

 

Удмурт Дунне
By Удмурт Дунне 2 февраля, 2016 17:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<