Туристъёсты ыштон, улон интылы уксё люкан но пельнянез сӥлы карон

Удмурт Дунне
By Удмурт Дунне Февраль 9, 2016 12:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

to-world-travel.ru

Дуннеын

Бусьтыр улонзылы — пум

Россиен кусыпъёссэ сӧременыз йырин Турция трос ыштонъёс адӟе ни.

Россиысь туристъёс ӧвӧлэн Средиземной но Эгейской зарезьёс дурысь 1 сюрс 300 пала отельёс вузаны поттэмын.

Туристъёс чотын Турцилэн кисыяз арлы быдэ 24 миллиард доллар люкаськылӥз, та пӧлысь 10 миллиардэз — кунысьтымы адямиос чотын. Кӧнялы ке гинэ ичигес люкаськылӥз Германиысь туристъёс чотын. Но Стамбулын терактын ФРГ-ысь 12 мурт бырем бере соос но уг дӥсьто ни Турциын шутэтскыны.

023682,Вавожский район,деревня Зяглуд-Кокся,колхоз Горд Октябрь,жилье,строительство,новостройка,жилье,дом

udmfoto.ru

Россиын

Кытын ӝоггес люкаське уксё?

Кыӵе городын квартира басьтымон уксё ӝоггес люканы луоно?

Аналитикъёс ӵошатӥллям бадӟым городъёсын улӥсьёслэсь шоро-куспо уждунзэс улон интылы дунъёсын. Уждундэ быдэскын люкад ке, квартира басьтыны уксё тужгес но ӝог люкаське Магаданын — 3 ар но 1 толэзь куспын. Брянскын но Мурманскын улон сэрег басьтон понна коньдон люкано 3 но ӝыны ар ӵоже. Ставропольын — 3 ар но 7 толэзь. Рейтинглэн пумаз Москва но Санкт-Петербург. Нырысетӥяз квартира басьтон понна 8 ар но 4 толэзь уксё люкано, кыкетӥяз — 6 но ӝыны ар. Иж та рейтинге шедемын ӧвӧл.

Удмуртиын

Туспуктӥз В. Емельянова

Туспуктӥз В. Емельянова

Ческыт юмшан

8-тӥ-13-тӥ феврале Ижын ортчоз пельняньлы сӥзем фестиваль.

Пельняньлэн нуналыз нырысьсэ радъяськиз кылем арын, калыклы туж кельшиз. Туэ но чакламын пӧртэм ужрадъёс. Тужгес тунсыкоез — Пельнянь шудон, ортчоз Шор карлудын 13-тӥ феврале. Адямиос куспазы ӵошатскозы, пельнянь кутыса, кырӟаса-вераса, эстафетаын бызьылыса. Радъяськоз «Зарни пельнянь» премиен пусъён: сое басьтон понна элькунысьтымы кафеос-ресторанъёс мастер-классъёс ортчытозы, пельнянь кутон амалъёссэс возьматозы. Луоз удмурт сиён-юонъёсъя адӟытон — озьы кылдоз Удмуртилэн пӧраськонъя картаез. Шор карлудын ик радъямын луоз туспуктэмъёслы сӥзем сэрег — тодматскыны луоз пельнянен герӟаськем улонысь суредъёсын. Тужгес усто туспуктэмлэн авторезлы 3 килограмм пельнянь кузьмалозы.

Елена Никитина

Удмурт Дунне
By Удмурт Дунне Февраль 9, 2016 12:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<