Туннэ ортчиз литературая «ИНГОЖ» студилэн нырысетӥ пумиськонэз

Удмурт Дунне
By Удмурт Дунне Февраль 3, 2016 17:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
_DSC0113

Литературая «ИНГОЖ» студиын.

Отын ӟырдыт вераськон пуромиз. Но одӥгез валамон: та ӝытъёс егит гожъяськисьёслы визь-нод сётозы, сослэсь мылкыдзэс бурдъялозы.

«ИНГОЖ» студилэн нырысетӥ пумиськоназ лыктӥзы  тодмо гожъяськисьёс: Сергей Матвеев, Пётр Захаров, Георгий Грязев, Ульфат Бадретдинов, Татьяна Чернова, Лидия Нянькина, литературоведъёс Виктор Шибанов, Вера Пантелеева. Егит гожъяськисьёс но уно вуизы: Богдан Анфиногенов, Николай Михайлов, Марина Пахомова,  Лилия Юртаева но мукетъёсыз.

Удмурт литература азьын сылэ бадӟым ужпум: егит гожъяськисьёслы визь-нод сётон, быгатонлыкъёссэс волятон понна инты ӧвӧл. Кызьы вераз литературовед Вера Пантелеева, таӵе ӝытъёс,  умой кырӟан, яке ӟеч спектакль кадь ик, мылкыдэз бурдъяло. Зэм но, тае пусъё тросэз егитъёс но.

_DSC0109

«ИНГОЖ» студилэн нырысетӥ пумиськоназ лыктӥзы тодмо гожъяськисьёс

«Советской Удмуртия» газет бордын азьвыл ужаз литературая кружок. Отын кыдазы но будӥзы дано писательёс: Трофим Архипов, Самсонов агай-вынъёс, Геннадий Красильников но мукетъёсыз. Но, жаляса верано, 90-тӥ аръёсы солэн ужез уретӥськиз. Нош али «Удмурт дунне» газет выльысен улӟытэ литературая студиез.

Угось тросэз егитъёс ӟучомо, кылбуръёссы ӵемысь суро-пожо кылын гожтэмын луо. Сое ми адӟиськом вотэсысь «Удмурт кылбурчи» огинэ печатлам ужъёсысь но. Кызьы шуиз  кылбурчи Лидия Нянькина, шӧдске, туала егитъёслэн вань кыл шӧдонзы, соос быгато ритмен но рифмаен шудыны, но кылтӥрлыксы соослэн куанер.

_DSC0159

Лыдӟизы Н. Михайловлэсь «Дневнике: урод нунал» вероссэ.

Таӵе ӝытъёсын одно ик эскерылоно соослэсь ужъёссэс. Туннэ, кылсярысь, литературоведъёс но писательёс вераськизы Н. Михайловлэн «Дневнике: урод нунал» вероссэ.  Валамон, теоритэк но азьлань вамыштыны уз пӧрмы. Мар со кылбурет? Кызьы гожтоно веросэз? Та но мукет юанъёслы валэктон азьланяз утчалозы литературая «Ингож» студиын.

Мария Векшина

Туспуктӥз А. Горбунов

 

Удмурт Дунне
By Удмурт Дунне Февраль 3, 2016 17:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<