Тодӥськоды-а тӥ? «Удмурт Кенеш» огазеяськонэн герӟаськем чуръёс

Related Articles

• Каменск-Уральский карын удмурт кылэз дышетонъя факультатив 5 ар ужа 1 07.Фев
• Ижын радъяське Нылпи книгалы сӥзем арня 0 29.Мар
• Чебер кылъёс малы меда вуно? 0 28.Сен

«Удмурт Кенеш» огазеяськон кылдӥз 1991-тӥ арын. Туэ асьмеос пусъёмы 25 ар тырмонзэ. Та дыр ӵоже ассоциацилэн 7 кивалтӥсез вал ни. Солэсь тӧрозэ быръё вань удмуртъёслэн ӧтчамазы, делегатъёс куара сётыса.

«Удмурт Кенеш» ассоциацие пыро кӧня ке удмурт огазеяськонъёс: удмурт культурая «Дэмен» огазеяськон, «Удмурт нылкышно кенеш», камсьӧр удмуртъёслэн огазеяськонзы, удмурт егитъёслэн «Шунды» огазеяськонзы, со сяна — Башкортостанын, Татарстанын, Марий Элын, Киров, Свердловск, Томск улосъёсын, Пермь крайын улӥсь удмуртъёслэн культурая огазеяськонъёссы.

Удмуртлыкез азинтонэ пыриськисьёсты дунъян понна «Удмурт Кенеш» огазеяськонлэн вань 2 национальной премиез: К. Герд  но А. Оки нимо. Со сяна — Данъян книгаез. Нош журналистъёсты пусъён понна — Э. Батуев нимо премиез.

«Удмурт кенеш» огазеяськонлэн исполкомаз али 30 адями пыре. Нош Пичи кенеше (Национальной собрание) — 78 адями. Пичи кенешлэн ёзчиосыз бырйисько ёрос но кар конференциосын, юнматӥсько вань удмуртъёслэн съездазы.