Террористъёсты ӝегатон, Венгриен кусыпъёс но студотрядъёслэн нуналзы

Удмурт Дунне
By Удмурт Дунне 25 февраля, 2016 09:01

05554,5516А,рынок,базар,сенная,бдительность,терроризмДуннеын

Ӝегатэмын террористъёслы юрттӥсьёс

Евросоюзлэн штаб-квартираезлэн ныр улаз ик — Брюссель городын — ӝегатэмын 10 террористъёс.

Соос янгыше уськытэмын Бельгиысь адямиосты террористъёс пала карыны но соосты Сирие, боевикъёс пӧлы, келяны выремзы понна. Таӵе учыръёс шараясько Россиын но. Кунысьтымы кышкытлыклэсь утиськонъя служба ивортэмъя, та нуналъёсы ӝегатэмын 14 мурт — таос террористъёслы документъёс дасяло вылэм.

079612,сельские игры 2013,спорт,футболРоссиын

Евросоюз ӟече  уз вуы

Россилэн Президентэныз Владимир Путинэн пумиськыны Москвае вуылӥз Венгрилэн премьер-министрез Виктор Орбан.

Евросоюзлэн Россилы пумит санкциосыз Орбанэз ӧз кышкатэ. Шумпотӥсько, кусыпъёсмес ум ыштӥське, нош Евросоюз ноку но ӟече уз вуы, Россилы пумит мынӥз ке. Номыр шоры учкытэк, Венгрия Россиен эшъяськонзэ азинтоз, шуиз Орбан.

Кенешонын саклык висъяськиз пӧртэм проектъёсты быдэстонлы. Асьме специалистъёс пырисько Венгриысь «Пакш» атом станцилэсь кык энергоблоксэ ӝутонэ — та уж азинтӥськоз. Дуннеысь футболъя чемпионатлы объектъёс пуктыны но Венгрия асьмелы юрттоз. Со сяна, огкылэ вуэмын эмъюм, сиён-юон поттон сярысь. Венгриен кусып тупатэмын 14 удысъёсъя.

0100928,молодежь,студент,шествие,парад первокурсниковУдмуртиын

Егит кужым

17-тӥ феврале нырысьсэ пусйиськиз студентъёслэн отрядъёссылэн нуналзы. Та нунал юнматэмын кылем арын Россилэн Президентэзлэн В. Путинлэн указэзъя.

Удмуртиысь студотрядъёсын пумиськылӥз Удмурт Элькунлэн Тӧроез А. Соловьев. Студентъёс уно дасо аръёсын пырисько ни шаерысьтымы гинэ ӧвӧл, кунысьтымы но пӧртэм объектъёсты ӝутонэ. элькунысьтымы нырысетӥ студотрядъёсы ветлэмъёс пенсиын ни, соосты воштӥзы туала егитъёс.

А. Соловьев студотрядъёслы ӵектӥз гурт удысысь выль объектъёсты ӝутонэ, Кам шур вамен выж пуктонэ пыриськыны.

Елена Никитина

Туспуктэмъёсыз А. Горбуновлэн

 

 

Удмурт Дунне
By Удмурт Дунне 25 февраля, 2016 09:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<