Сюрсо сюрес но уг утьы…

Удмурт Дунне
By Удмурт Дунне 1 февраля, 2016 11:35
Туэ сюресъёс вылын 110 шуккиськон учырын 10 адями быриз.

Туэ сюресъёс вылын 110 шуккиськон учырын 10 адями быриз.

Шаерысьтымы сюресъёс вылын кылем арын 208 мурт быриз, со пӧлысь 4-ез — нылпиос, 1 сюрс 549 адями сӧсырмиз. Лыдпусъёсты шараяз но туэ арын кутӥськись выль законъёс сярысь вераз Удмурт Республикая ГИБДД-ен кивалтӥсь Александр Коробейников.

Вань шуккиськон учыръёс пӧлысь тросэз пыдын ветлӥсьёсын герӟаськемын. Водительёс дырто, сюрсо сюрес (зебра) вылтӥ ортчись адямиосты но куд-ог дыръя уг синйылто. Та муген 62 адями быриз. Ваменэс пешеходъёс но водительёслэсь бере уг кылё. Аслаз янгышеныз 47 мурт дырызлэсь вазь улонысь кошкиз.

Туэ 25 нунал куспын сюресъёс вылын 110 шуккиськон учырын 10 адями быриз, 149-эз сӧсырмиз. Ӵем дыръя адямиос сӧсырмыны шедё ӝомыт вакытэ. Мынӥсь-ветлӥсьёслэн бордазы пиштӥсь арбериос луыны кулэ ке но, тросэз куронэз санэ уг басьто.

Кылем арын 1-тӥ июльысен Россия Федерациысь Административной кодексэ куд-ог воштонъёс пыртэмын вал. Чурыт куронъёс пуктэмын руль сьӧрын кудӟыса ворттылӥсьёслы. Инспекторъёслэн ки улазы кыкетӥзэ шедизы ке, 3 арлы правотэк кылёзы, 300 сюрс манет штраф тырозы но 2 арозь пытсэт сьӧрын пукозы. ГИБДД-ен кивалтӥсь Александр Коробейников верамъя, берло ӝыны ар куспын кудӟыса ворттылӥсьёс ӧжытгес кылизы — 650 мурт. Соослэн янгышенызы сэрен 124 шуккиськон учыр пусъемын, 32 мурт быриз. 2014-тӥ арен ӵошатоно ке, шуккиськон учыръёс 30 процентлы кулэсмемын. Со вакытэ ик сюрес вылын ужась инспекторъёс январь толэзе гинэ 553 кудӟем водителез ӝегатӥзы, ӝыныез правотэк ворттылэ вылэм. Шӧмаськем водительёс сярысь ӵемысь иворто сазьёсыз.

2014-тӥ арын чурыт куронъёс пуктэмын вал автошколаос азе. Вань дышетӥсьёслэн вылӥ категоризы луыны кулэ, дышетскон тӥрлык туала куронъёслы мед тупалоз. туннэ шаерамы 104 автошкола лыдъяське. 15-ез автошколаос аккредитациез ортчыны ӧз быгатэ. Озьы дышетсконын чурыт куронъёс пуктэмлэн пайдаез шӧдӥське. Кылем арын егит водительёс 117 шуккиськон учыре шедизы, азьвыл аръёсын ӵошатыса, со 19 процентлы ӧжытгес.

Валентина Емельянова

Туспуктӥз А. Горбунов

Удмурт Дунне
By Удмурт Дунне 1 февраля, 2016 11:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<