Суредасьлы Менсадык Гариповлы туннэ тырмысал 70 арес

Удмурт Дунне
By Удмурт Дунне Февраль 16, 2016 12:22

22856Менсадык Гариповлэн суредъёсыз шоры учкисько но валасько: макем мур пуштросо, но со дыре ик огшоры возьматэмын удмурт калыклэн улон-вылонэз, дунне валанэз.

Менсадык Гарипов автопортретаз малпаськись тусо, сэзь.

— Мынам асме йӧно адямиен возьматэме потӥз. Улонын чик но сыӵе ӧвӧл ке но, — вера со Лев Вахитовлэн «Солнечный зайчик» кинояз.

— Со туж огшоры вал, вылтӥяськисьтэм, — вера суредась Юрий Лобанов. — Ми доры, «Удмуртия» книгапоттонние, пыре но, мылкыдыз умой ке, удмурт сямен эктыны кутске вал, сыӵе кильтыр-кильтыр. Со вал лулызлэн аспӧртэмлыко эктонэз.

Ву улын улон.

Ву улын улон.

Вашкала удмуртъёс дуннеез 3-лы люкылӥзы — музъем ул, музъем выл но инбам. Мыным потэ, Менсадык Гариповлэн но пуш дуннеез сыӵе ик трос сэрего вал шуыса.  Кылсярысь, мар луэ толалтэ ву улын? «Ву улын улон» суредаз образъёс, детальёс огазеямын — удмуртъёслэн толалтэ, гужем улонзы, тупал дуннеысь улэп макеос…

Менсадыкез ӵемысь курлаллязы, пропорциосты сура шуыса. Уго со ас сяменыз адӟиз адямиез, дуннеез, буёлъёсты. Ушъязы сое Москваысь эшъёсыз — Менсадыклэн 16 ужъёсыз кельтэмын Москваысь Третьяковской галереяе. Суредъёсыз сюрылӥзы Италиысь Болоньяын, Словакиысь Братиславаын радъяськем адӟытонъёсы. Солэн иллюстрациосыныз лэсьтэмын «Сказки народов Поволжья и Урала», «Моя азбука», «Мифы, легенды и сказки удмуртского народа» книгаос.

Дэраез гужатон

Дэраез гужатон

Кызьы шуак-дуак вордӥсь-ко вал суредъёсыз, озьы ик витьымтэ шорысь Менсадык Гарипов 1998-тӥ арын кошкиз та улонысь но. Ӧз, ӧз кошкы, палэнскиз гинэ! 16-тӥ тулыспалэ Удмуртиысь калык суредасьлы, Россиысь дано суредасьлы Менсадык Гарипович Гариповлы тырмысал 70 арес.

Мария Векшина

 

Удмурт Дунне
By Удмурт Дунне Февраль 16, 2016 12:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<