Шараясько мӧйыослэсь уксёзэс лушкан учыръёс

Удмурт Дунне
By Удмурт Дунне 18 февраля, 2016 15:17
052848,старики,ноша,сумка

Полициын тыршисьёс шаерамы улӥсьёсты сак луыны куро.

Арнялы быдэ сямен шараясько мӧйыослэсь уксёзэс лушкан учыръёс. Та нуналъёсы Ижын полицилэн Октябрь ёросъя ёзаз вазиськиз 76 аресъем нылкышно.

Солэн вазиськонэзъя уголовной уж ӝутэмын, та вакытэ эскерон мынэ. Кӧня ке нунал талэсь азьло та нылкышно банкын люкам уксёзэ кияз басьтэм. Дораз вуэм гинэ, йыгаськись луэм. Ӧс сьӧрысен нылкышно куара вазем: Пенсиосъя кун фондысь специалист, пе, мон. Мӧйы кышномурт, номыр сыӵезэ-таӵезэ малпатэк, тодмотэм нылкышноез квартираяз пырыны лэзем. Таид пенсионеркалы вазиськем, люкам уксёзэ возьматыны курыса: уд тодӥське, пе, шат, кунамы уксё воштӥське ук! Мӧйы мурт банкысь басьтэм уксёзэ поттэм но солы возьматэм. Таид купюраослэсь номеръёссэс гожъяны вырем но пенсионеркалэсь уксёзэ, нырулкышетэ бинялтыса ик, берлань сётэм но кошкем: ӵуказе, пе, лыкто вуж купюраостэс выльёсыныз воштыны. Кӧня ке улыса, мӧйы кышномурт коньдонзэ поттэм но, отын, пе, огшоры бумага! Озьы со лушкаськисьёслы ас киыныз сётыса лэзем 199 сюрс манетсэ.

Пенисонеркаез пӧям нылкышнолэн тодметъёсыз: тусын-буйын 25-27 аресъем, тӧдьыкысъем, ӝуждалаез 165 сантиметр пала, ымнырыз кузялэс, мугорыз ӟызы. Дӥсяськемын вылэм чагыр пужыен пеймыт шапкаен но сьӧд болонь курткаен. Та нылкышно, Ижын гинэ ӧвӧл, ёросъёсы-гуртъёсы но вуыны быгатоз.

Полициын тыршисьёс шаерамы улӥсьёсты сак луыны куро. Мӧйы ӵыжы-выжыостылы, бускельёстылы валэктоно: Россиын уксё уг воштӥськы, пенсиосъя фондысь, социальной ёзъёсысь специалистъёс коркаысь коркае уг ветло — тазьы даурто лушкаськисьёс гинэ.

Елена Тугашова

Туспуктӥз А. Горбунов

 

 

 

Удмурт Дунне
By Удмурт Дунне 18 февраля, 2016 15:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<