Шаерамы «Ижысь лыжня» ӵошатскон ортчоз

Related Articles

• Ижын ортчоз хоккеен шудонъя М. Т. Калашников нимо турнир 0 25.Окт
• Шаерысьтымы хозяйствоос мынӥзы Ростов-на-Донуысь гурт удыслы сӥзем форуме 0 13.Апр
• Удмуртиын пограничникъёсты данъязы 0 29.Май

Куасэн бызьылыны яратӥсьёс понна арнянунал тужгес пӧсез луоз. А. Демидов нимо спорткомплексын «АСПЭК»-лэн кузьымез понна «Ижысь лыжня» ӵошатскон ортчоз.

«Ижысь лыжня» ортчылыны кутскиз 1995-тӥ арысен. Нырысь 5 арзэ со Россиысь ӵошатсконэн ялэмын вал, отчы 500-лэсь трос спортсменъёс пыриськылӥзы. Вормисьёсты машина кузьым витиз. Шумпотоно, вормисьёс пӧлы шаерысьтымы спортсменъёс но шедьылӥзы: Алексей Кобелев, Сергей Крянин, Екатерина Воронцова, Валентина Новикова, Максим Вылегжанин, Дмитрий Япаров, Евгений Иванов, Константин Главатских, Николай Хохряков но мукетъёсыз.

Берло аръёсы но трос кузьымъёс луо: куасэн бызьылӥсьёслы но, учкисьёслы но. Ужрадэз радъясьёс машинаен вуз каронъя ярмарка, спортъя вожвылъяськонъёс ортчытозы, тэшкылиосты выжыкылысь геройёс, аниматоръёс витё. Биатлонъя комплексэ 30 минутлы быдэ ГИБДД дорысь автобус ветлоз. Мынон-ветлон дунтэк.  Ужрадлэсь радлыксэ учке татысь.

Валентина Кутузова

Туспуктэм:xn—-7sbfleeitlv2b2i1bf.xn--p1ai/