Пуштытӥсьёсты утчан, опорной вузъёсты кылдытон но Кам выжез лэсьтон

Удмурт Дунне
By Удмурт Дунне 1 февраля, 2016 11:46
092657,песок,самолет

Туспуктэм: udmfoto.ru

Дуннеын

Самолётэз пуштытӥсьёс тодмо

Египетлэн но Россилэн спецслужбаоссы утчало 6 адямиез. Соос янгыше уськытэмын Синай шормуӵ вадьсын Е321 самолётэз пуштытэмзы понна. Соку быриз Россиысь 224 мурт.

Шарм-эль-Шейх аэропортысь грузчик бомбаез интыям самолёт пушкы. Самолёт пуштэм бере ик террорист мукет кунэ пегӟем. Берлозэ сое адӟиллям Турциысь. Сьӧд ужзэ пӧраны солы юрттӥськиллям 5 эшъёсыз.

081878,город Ижевск,УДГУ,памятник Пушкину

Туспуктэм: udmfoto.ru

Россиын

Удмуртиысь вузъёс вылэ уз пыкиське

Россиысь Дышетонъя но наукая министерство шараяз, кыӵе улосъёсысь  университетъёс вылэ пыкъяськыса, кылдозы опорной вузъёс.

Туэ пӧртэм улосъёсын усьтӥськыны кулэ 20 пала таӵе вуз, нош 2017-тӥ арозь соослэн лыдзы 50-озь йылыны кулэ. Та опорной вузъёс борды итӥськозы мукетъёсыз вузъёс. Кун коньдон висъялоз опорной вузъёсты азинтыны, озьы отчы кыстӥськозы тужгес усто дышетӥсьёс, тодосчиос, дышетонын пыӵалозы туала амалъёс. Та дырлы быръемын 11 опорной вузъёс. Пӧлазы шедемын Воронежысь, Омскысь, Волгоградысь, Самараысь техникая кун университетъёс, Сибирской аэрокосмической университет, Тюменьысь но Уфаысь мувӧйя вузъёс но мукетъёсыз. Удмуртиысь одӥг вуз но пӧлазы ӧвӧл.

8dbc6f967dc62f905e554261c7f51a08

Туспуктэм: udmurt.ru

Удмуртиын

Кам дур чеберскоз

Туэ шаерамы пыӵаны кутскоз «Кам дур» проект.

«Кам дур» проект пыртэмын Россиын туризмез азинтонъя 2011-тӥ — 2018-тӥ аръёслы чаклам программае. Со пыӵалоз Сарапулын: туристъёс кыстӥськозы Кам дурысь городэ, соос понна тунсыко программа быдэсъяськоз, озьы выльдӥськозы Сарапулысь вашкала синпелетъёс, социальной объектъёс.

Культурая но туризмъя министр Владимир Соловьёв ивортэмъя, туэ та проектэз мытонлы федерал бюджетын чакламын 35 миллион 420 сюрс манет, элькунлэн бюджетаз — 11 миллион 221 сюрс манет. Но федерал центрысь юрттэт басьтон понна февральлэн кутсконаз Культурая министерствоен рос-прос кенешоно луоз ай. Матысь аръёсы та проектэз быдэстонлы висъямын луыны быгатоз ог 200 миллион манет.

Дасяз Елена Никитина

 

 

Удмурт Дунне
By Удмурт Дунне 1 февраля, 2016 11:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<