Ортчиз Пельняньлы сӥзем фестиваль

Удмурт Дунне
By Удмурт Дунне 19 февраля, 2016 15:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
0104483,всемирный день пельменя,состязание,соревнование

Трос ӵошатсконъёс ортчизы

Кылем суббота нуналэ Ижысь Шор площадьын пельняньлы сӥзем кыкетӥез фестиваль ортчиз. Ужрадэ 30 сюрслэсь трос адямиос пыриськизы, 5 тонна пельнянь сиизы.

Фестиваль шаермес быдэс дуннеен огазеяз кадь. Удмуртиысь 16 ёросысь куноос сяна, юмшанэ пыриськизы Москва, Санкт-Петербург городъёсысь, Самара но Пермь улосъёсысь, Татарстан Республикаысь, Испаниысь, Польшаысь но Китайысь куноос. Бадӟым ужрадлэн шорсюлмыз герӟаськемын вал Пельнянь шудонэн. Нырысетӥ шудонъёслэсь тылзэс сӥё-дано усьтӥзы НТВ телеканалысь  «Поедем, поедим» передачаез нуись Джон Уоррен но Удмурт Республикаысь нациосын ужан политикая министр Лариса Буранова.

Та нуналэ тужгес чупресъёсыз кӧтсэс но тыризы, мугорзэс но кыдатӥзы. Пельнянь  шудонъёсы 14 семьяос пыриськизы. Пельменкей (хоккей), пельментон (бадминтон) но мукет та выллем ӵошатсконын котькинлэсь трос очко люказы Ува ёросысь Кудрявцевъёс.   Нылпиос понна ужаз «Шудон корка».

0104468,всемирный день пельменя,еда,поедание

Та нуналэ тужгес чупресъёсыз кӧтсэс но тыризы, мугорзэс но кыдатӥзы.

Та фестиваль городын ортчись мукет ужрадъёслэсь удмурт шӧмыныз висъяськиз. Сцена вылын трос чузъяськиз анай кылмы, удмурт кырӟанъёс чузъяськем улсын калык эктыса шунтӥськиз. Пельнянь кутыны быгатӥсьёс сцена вылын вожвылъяськизы. Удмурт пельнянез сяна, люкаськемъёс сиизы маульташ (немец), цзяоцзы (китай), подкогыльо (пор), вареник (украин) но мукет калык сиёнъёсты.

Удмуртиысь пельнянь поттӥсь предприятиос, Ижысь кафеос, ресторанъёс но та ужрадэ пыриськизы. Тужгес устооссэ «Зарни пельнянь» премиен пусйизы. Ижын ортчем фестиваль сярысь передачаез адӟыны луоз 27-тӥ феврале НТВ телеканалысь. 0+

Валентина Кутузова

Туспуктӥз А. Горбунов

 

 

Удмурт Дунне
By Удмурт Дунне 19 февраля, 2016 15:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<