Москваын ортчоз «Огъя Россия» партилэн съездэз

Удмурт Дунне
By Удмурт Дунне 1 февраля, 2016 16:12

россия

5-тӥ — 6-тӥ феврале Москваын ортчоз «Огъя Россия» партилэн 15-тӥ съездэз.

Отчы люкаськозы Россилэн пӧртэм сэрегъёсысьтыз делегатъёс. Ӧтчамлэн ужаз пыриськозы «Огъя Россия» партилэн Удмурт ёзэзлэн Политсоветаз пырисьёс, ёрос отделениосысьтыз тужгес мыло-кыдо адямиос. Съездын тужгес но бадӟым саклык висъяськоз туэ сӥзьыл — 18-тӥ сентябре — ортчоно быръёнъёслы. Ӵапак соку, куара сётонъя огъя нуналэ, быдэс странаен быръёмы Кун Думае депутатъёсты.

«Огъя Россия» партия чакла ни туэ 22-тӥ майысен ик та быръёнъёслы дасяськыны. Та нуналэ улосъёсысь вань ёзъёсаз усьтӥськоз праймериз — Кун Думае быръёнъёсы партилэсь ӵектоно муртъёссэ быръён.

Праймеризын кужымзэ мертаны быгатоз котькудӥз мылкыд карись — со Россилэн кунмуртэз луэ ке, 21 арессэ тырмытэмын но кунгож сьӧрын ваньбур уг возьы ке. Со ассэ ачиз ӵектыны быгатоз, яке «Огъя Россия» партилэсь (отчы пыремын ке) мыныны, яке кыӵе ке калык огазеяськонлэсь, кудӥныз «Огъя Россия» партия ӟеч кусып возе.

Съездэ люкаськемъёс сэрттозы-пертчозы быръёнъёсын герӟаськем ужпумъёсты. Ужалозы пӧртэм площадкаос.

Елена Никитина

Удмурт Дунне
By Удмурт Дунне 1 февраля, 2016 16:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<