Кылем арын 642 наркоман кыл кутон улэ шедиз

Удмурт Дунне
By Удмурт Дунне Февраль 5, 2016 11:28
OLYMPUS DIGITAL CAMERA

Сьӧлта, Алнаш ёросъёсысь нылмуртъёс кыкетӥ ползэ шедизы ни — чик кышкатэк мак сяська будэто.

Югдурез утёнъя министерствоысь административной законодательстволэсь быдэсъяськемзэ эскеронъя ёзлэн кивалтӥсезлэн воштӥсез Андрей Быков ивортэмъя, шузимытӥсь суретъёсты вӧлмытэмзы, соин усыкмыса ветлэмзы понна шаерысьтымы 159 мурт 15 уй-нуналлы пытсэт сьӧры шедьылӥз, 200 палаезлы 5 сюрс манетозь тыриськон лякемын. Ӝегатэмъёс пӧлысь бадӟым люкетэз — Ижын улӥсьёс.

Урод сямзылэсь куштӥськыны юрттон вылысь реабилитацие келямын 140 егитъёс. Но жаляса верано, ӝыныезлэсь тросэз таза улыны мылкыд ӧз кары. Озьы таос вылэ югдурез утисьёс выльысь протоколъёс гожъяно луизы.

— Сӥзьыл шаерамы «Мак» операция мынӥз, — вера полициысь подполковник. — Участковойёс коркась корка ветлӥзы, гуртоослэсь бакчаоссэс эскеризы. Воргоронъёсын ӵош законэз тӥяны уг кышкало кышномуртъёс но. Сьӧлта, Алнаш ёросъёсысь нылмуртъёс кыкетӥ ползэ шедизы ни — чик кышкатэк мак сяська будэто. Та сяна, Можга городысь нылкышно усыкмемъёслы огдырлы улыны патерзэ сётэм.

Полицейскойёслы юрттӥське огшоры калык но. Наркотикъёсын кушласькисьёсты синйылто гинэ — соку ик полицие жингырто. Та вакытлы 5 вазиськон эскеремын, 2 коркаысь наркотикъёсын вырисьёс туздыртэмын.

Ольга Корепанова

Туспуктэм: udmfoto.ru

Удмурт Дунне
By Удмурт Дунне Февраль 5, 2016 11:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<