Кыӵе ӵектонъёсыз «Справедливая Россия» партилэн?

Удмурт Дунне
By Удмурт Дунне 17 февраля, 2016 12:09
SHUDEGOV_14505a

Виктор Шудегов.

Журналистъёсын пумиськылӥз Кун Думаысь депутат,  «Справедливая Россия» партилэн Удмурт ёзэзлэн кивалтӥсез Виктор Шудегов.

Депутат мадиз «Справедливая Россия» партилэн ӵектонъёсыз сярысь. Данакез соос пӧлысь герӟаськемын дышетон удысэн, наукаен.

Депутат лыдъямъя, «Дышетон сярысь» законлэн, кылсярысь, тужгес бадӟым тырмымтэез — со уг тупа Россилэн Конституциезлы. Валтӥсь документын гожтэмын: вылӥ тодон-валан сётон сяна, дышетон дунтэк луыны кулэ.  Нош соку малы школьникъёслы ватсаса тодон-валан сётон дунын луыны ӧдъяз? Соин ик али выль законопроект дасяське, отын пусъемын: котькуд пинал араз 120 час, яке арняяз 3 час, дунтэк ветлыны быгатэ пӧртэм секциосы, кружокъёсы.

— «Справедливая Россия» партилэн азьветлӥсез С. Миронов алигес пумиськылӥз Россилэн Президентэныз Владимир Путинэн, — азинтӥз веранзэ В. Шудегов. — Трос ужпумъёсъя соос огкылэ вуизы. Кылсярысь, юан ӝутэмын вал коллектор агентствоос, бадӟым процентэн кредит сётъясь компаниос  пумысен. «Справедливая Россия» таослы пум поныны ӵектэ. Озьы ик Уголовной кодексэ  ваньбурез талан сярысь статьяез берыктыны дэмлан вань. Угось али лушкаськыса узырмемъёс пытсэт сьӧры сюро ке но,  отысь потыса, номырлы ёрмытэк уло. Вань та ужпумъёсты депутатъёс поттыны чаклало ни Кун Думалэн тулыс сессияз.

Кун Думае туэ сентябре ортчоно быръёнъёсы В. Шудегов пыриськыны чакла. Нош соос зэмлыкогес мед луозы шуыса, депутат дэмла: одӥг нуналэ ортчытоно вань быръёнъёсты: Кун Думае, Кун Кенеше, аскивалтон ёзъёсы. Нимаз кельтоно, пе, президент быръёнъёсты гинэ.

— Куинь пол интые одӥг пол гинэ быръён ортчытыса, коньдон шыръяськоз, — шуиз со. — Участокъёсы куара сётӥсьёс но тросгес лыктыны кулэ. Али бырйисьёс пӧлысь ӝыныез но ас правозэс уг куто.

Виктор Евграфович малпамъя, Кун Кенешысь но муниципалитетъёсысь депутатъёс полномочиоссылэсь дырызлэсь вазь куштӥськыны кулэ туэ сентябре быръёнъёсты ортчытон понна. Кун Кенеше быръёнъёс ортчозы 2017-тӥ арын. Нош город Думаосты бырйим ай 2015-тӥ арын сӥзьыл гинэ. Зэм, таџе кичќлтонлы дурбасьтћсьёс трос уз луэ, дыр.

Элина Кумачёва

 

Удмурт Дунне
By Удмурт Дунне 17 февраля, 2016 12:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<