Кут но лэсьты!

Удмурт Дунне
By Удмурт Дунне 19 февраля, 2016 14:57
0000188

Мугорез кыдатон культурая, спортъя но егитъёсын ужан политикая министрлэн воштӥсез Максим Сорокин: Адямилэн семьяез, ужез, улон интыез вань ке, со котькытын шудо луоз, пыриськоз общественной уже, шутэтскыны но амал шедьтоз.

«Удмурт Кенеш» огазеяськонлэн ӧтчамаз вань делегатъёс пӧлысь ог 20 процентэз вал егитъёс. Асьсэ секциязы соос трос пумо юанъёсты ӝутӥзы.

«Шунды» огазеяськон удмурт егитъёслы пӧртэм лагерьёс радъя, тырше поталляны ёросъёсы, палэнын улӥсь удмуртъёс доры. Валамон, уж трос, котькытчы вуттӥськыны уг луы. Кызьы вера Яр ёросысь Евгения Наговицына, ёросазы туж шер кылод удмурт кылын вераськисьёсты, удмурт культураез егитъёс кулэ уг каро. «Шунды» саклык висъяны кулэ Ижлэсь кыдёкын улӥсь удмурт егитъёслы но. Таин валче Киров улосвылысь Светозарево гуртысь Андрей Соловьёв дэмлаз удмурт ужрадъёсысь онлайн-трансляция лэсьтылыны, Богдан Анфиногеновен, кылсярысь, онлайн-пумиськон радъяны. Туала амалъёсты лыдэ басьтыса, со туж ик секыт ӧвӧл. Дэбесъёс но ӵаш! потто: «Шундыкар» лагере ваньзы мыныны уг быгато, нош мылкыд карисьёссы трос.

— Та югдурез ёросъёс асьсэос тупатыны быгато, — вера «Шунды» огазеяськонлэн тӧроез Ольга Тронина. — Котькуд адями быгатэ вазиськыны ёрос администрацие ёросазы удмурт нылпиослы лагерь усьтон пумысен. Озьы каро ни киясаос, алнашъёс, пургаос. Огазеяськонмылэсь ёзъёссэ сайкатоно.

Егитъёс, школаез йылпумъяса, вуо городэ. Ульчаостӥ поръяку, ӵемысь кылӥськод ни удмурт кылын вераськемъёсты. Туала удмурт культура ӝужа городын.

— Ӟуч пиналъёсты но удмурт культураен тодматоно. Кыӵе соослэн синъёссы ӝуаны кутско! — вера Ижысь пинал усточиослэн дворецысьтызы ӧнерчи Нина Тарасова. — Туэ гужем ми ӟуч нылпиослы этнолагерь ортчытом. Куриськом пыриськыны тодмо удмурт егитъёсты но.

0000192

2017-тӥ арын элькунмы пумиталоз быдэс фин-угор дуннеысь егитъёсты — ортчоз МАФУН-лэн (фин-угор калыкъёслэн калыккуспо ассоциацизы) конгрессэз.

Вераськонлэсь ӧрзэ чутрак воштӥз Можга ёрослэн йырыз Аркадий Вершинин. Культура гинэ меда сюлмаськытэ егитъёсты? Малы гуртын уг тырмо егит дышетӥсьёс, фельдшеръёс? Адямилэн семьяез, ужез, улон интыез вань ке, со котькытын шудо луоз, пыриськоз общественной уже, шутэтскыны но амал шедьтоз, вераз мугорез кыдатон культурая, спортъя но егитъёсын ужан политикая министрлэн воштӥсез Максим Сорокин. Гуртысь егитъёс пегӟо городэ, татысь тросгес луонлыкъёс шедьтозы шуыса. Гуртэ кылемъёсызлы саклык висъян понна дэмламын «Шунды» огазеяськонлэсь куд-ог проектъёссэ элькун программаосы пыртыны бюджетысь коньдон висъян вылысь.

2017-тӥ арын элькунмы пумиталоз быдэс фин-угор дуннеысь егитъёсты — ортчоз МАФУН-лэн (фин-угор калыкъёслэн калыккуспо ассоциацизы) конгрессэз. Солы но пыр-поч дасяськоно.

Мария Векшина

Туспуктӥз А. Горбунов

 

 

Удмурт Дунне
By Удмурт Дунне 19 февраля, 2016 14:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<