Конкурс: макем ӟеч тодӥськоды тӥ удмурт движенилэсь историзэ?

Удмурт Дунне
By Удмурт Дунне Февраль 4, 2016 13:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Макем ӟеч тодӥськоды тӥ удмурт движенилэсь историзэ? Кин вал удмурт калыклэн азьветлӥсьёсыз но мар тужгес сюлмаськытӥз соосты? Ойдолэ визьмес сыналом.

1. 1901-тӥ арын (куд-ог тодосчиослэн верамзыя 1902-тӥ арын) 4 кузя егит удмурт дышетӥсьёс кылдытӥзы лушкем кружок. Ас азязы ужпум пуктӥзы: удмуртъёсты огазеяно, политикае кысконо. Вералэ со удмурт дышетӥсьёслэсь нимтулъёссэс.

2. 1920-тӥ арын Сарапулын ортчиз удмурт нылкышноослэн нырысетӥ конференцизы. Кызьы малпаськоды, кин та конференцилэн тӧроез (председателез) вал? Сётэм нимъёс пӧлысь быръёно одӥгзэ: А. Оки, Т. Борисов, К. Герд, А. Разумовская.

3. 1980-тӥ аръёслэн пумазы СССР-ын бугырес вакытъёс вал. Та тулкымъёс сайкатӥзы удмурт калыкез, вордӥськиз «Удмурт клуб». Кин сое кылдытӥз? Быръе одӥг адямиез: А. Шкляев, Н. Симанов, Н. Бочкарёва, П. Чернов.

4. «Удмурт Кенеш» огазеяськонэн пӧртэм аръёсы кивалтӥзы М. Шишкин, И. Гришкин,
В. Осипов, Н. Мусалимов, В. Тубылов, Р. Яшина, И. Семёнов. Та нимтулъёсты бӧрсьысь бӧрсе пуктылэ, кивалтэм аръёссэс лыдэ басьтыса.

5. Тодэ, кудӥз та нылкышноос вылын Чупчи вылланьёслэн дӥськутсы.

2 3 4

 

 

 

 

 

 

 

 

 

 

 

 

 

6. Сётӥськом тодосчиослэсь удмурт йылол сярысь гожтэмзэс. Тодэ, кыӵе нунал сярысь вераськон мынэ.
«…Та нунал азьын одно ик мунчоын пыласькизы. Ӵукна ик нянь пыжизы… Ог-огзы доры ӧтчаськыны одӥг-кык нунал гинэ ӧз тырмылы, нош юмшанлэн самой шулдыр дырыз арнянуналэ вал. Та нуналлы тужгес чебер карыны тыршылӥзы валлэсь кыткетсэ: букое гырлы, чалмаос ошылӥзы; вал изнэсэ чук понылӥзы; валэз ӝуткам шобретэн шобыртылӥзы, куд-огез валлы штани но дӥсялляз. Миндэр вылэ пуксьыса, кошовкаын ворттылӥзы, гидкуазетӥ валэн котыръяськизы. Куд-ог дыръя кошовкае корт гур пуктылӥзы но, сое эстыса но дӧдьые кыткиськыса, ульча кузя ветлӥзы…»

Юанъёслы валэктонъёстэс вераны быгатоды таӵе телефонъя: 8 (3412) 73-33-42 яке ыстыны электрон адресъя: minnelena@yandex.ru
Келяны луоз почта пыр гожтэтэн но: Ижкар, Карл Маркс ульча, 274-тӥ юрт, «Удмурт дунне» газетлэн редакциез.

«Удмурт Кенеш» огазеяськонлэн кузьымъёсыныз дунъямын луоз шонер валэктон сётэм 3 адями. Озьыен, сыналэ йырвизьдэс! Витёмы 19-тӥ февралёзь.

Удмурт Дунне
By Удмурт Дунне Февраль 4, 2016 13:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<