Коньдон пирамидаен вырисьёс уг быро

Удмурт Дунне
By Удмурт Дунне 4 февраля, 2016 12:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
0102906,деньги,мелочь,купюра

Вкладъёсъя укыр бадӟым процентъёс сӥзисьёслы осконо ӧвӧл, уксёдэс интыямдылэсь азьло, рос-прос тодматске котькуд огазеяськонэн.

Югдурез утёнъя министерстволэн Следствиея управлениез ивортэмъя, уголовной уж ӝутэмын коньдон пирамида пумысен.

Трос калыклэсь ӝожтӥськонъёс вуизы «Ценные бумаги расчётно-кассовый центр» огазеяськон вылэ. 2013-тӥ арысен уно адями та компаниын вкладзэ усьтэм. Соосты оскытӥллям: уксёзы йылоз 18-44 процентлы. Но калыклы сётэм кылзэ ЦБРКЦ огазеяськон быдэсъяны дыртымтэ, вкладъёсты но, соя люкаськем процентъёсты но, берыктымтэ. Та центр Удмуртиын гинэ ӧвӧл, Россиысь мукет улосъёсын но сьӧд ужзэ радъям. Озьы калыклэсь лушкамын 50 миллион манетлэсь ятыр.

Югдурез утёнъя министерство вазиське та огазеяськонэн йырин коньдонзэс ыштэмъёслы. Жингыртоно полицилэн улон интыдыя ёзаз яке 02 (мобильнойёсысь — 102) телефонъя. Полицие ӝожтӥськон гожтон понна ки улады луыны кулэ та огазеяськонэн юнматэм огкылды, документъёсты.

Нялтас вераса, кылем толэзьлэн пумаз йылпумъяськиз мукетыз коньдон пирамидая ӝутэм уж. Устинов ёрос суд пуктэмъя «ИД-Финанс» пирамидаез кылдытӥсь Дмитрий Овечкин 6 арлы колоние келямын. Таиз 339 адямилэсь 48 миллион манетсэ лушкам.

Югдурез утёнъя министерство элькунамы улӥсьёслы вазиське, сак луыны курыса. Вкладъёсъя укыр бадӟым процентъёс сӥзисьёслы осконо ӧвӧл, уксёдэс интыямдылэсь азьло, рос-прос тодматске котькуд огазеяськонэн. Визь-кенешен юрттыны быгатозы Югдурез утёнъя министерствоысь специалистъёс но.

Елена Тугашова

Туспуктӥз А. Горбунов

 

Удмурт Дунне
By Удмурт Дунне 4 февраля, 2016 12:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<