Кин кивалтоз «Удмурт Кенешен»?

Related Articles

• Улонысь кошкиз «Брангуртысь песянайёс» ансамбльысь кырӟась Наталья Пугачёва 0 26.Окт
• Кыӵе ужрадъёс чакла радъяны егитъёслэн «Шунды» огазеяськонзы? 0 26.Апр
• «Ижсталь» ворме! 0 31.Мар

«Удмурт Кенеш» огазеяськонлэн тӧроез Игорь Семёнов огазеяськонлэсь кивалтӥсьсэ быръёнэ уз пыриськы.

«Удмурт Кенеш» огазеяськонлэн тӧроез Игорь Семёнов огазеяськонлэсь кивалтӥсьсэ быръёнэ уз пыриськы.  Та сярысь со ивортӥз «Удмурт Кенеш» огазеяськонлэн толон ортчем «Пичи Кенешаз».

«Удмурт Кенешлэсь» тӧрозэ быръён ортчоз 12-тӥ тулыспалэ, бадӟым ӧтчамлэн 2-тӥ нуналаз. Вань мылкыд карисьёс быгатозы кинэ ке ӵектыны. Игорь Николаевич аслэсьтыз малпанъёссэ шараяз ни. Ачиз интыын со адӟе «Удмурт Кенеш» огазеяськонлэсь вице-президентсэ Татьяна Ишматоваез.

— Татьяна Витальевна трос аръёс ӵоже ни ужа удмурт движениын, — вераз Игорь Семёнов. — Тодӥськомы, азьветлӥсьлэн сюресэз кутскиз «Шунды» огазеяськон бордысен. Али нош вераны луэ: «Удмурт Кенеш» огазеяськонэн кивалтыны со кыдамын ни.

Бадӟым ӧтчамын «кенешчиосты» возьмало на мукет быръёнъёс. Соку тодмо луоз, кин мыноз Фин-угор калыкъёслэн VII конгрессазы но кин пыриськоз дуннеысь фин-угор калыкъёслэн кенешон комитетазы.

Мария Векшина

Туспуктӥз Л. Сергеева