«Ижысь лыжня», тайской бокс но параспорт. Спортын маин тодэ кылёз таиз арня?

Удмурт Дунне
By Удмурт Дунне 29 февраля, 2016 16:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Бокс

 Быдэс командалы одӥг медаль

Тайской боксъя Россилэн кубокез понна нюръяськон Ижевскын ортчиз. Асьме шаере вуылӥзы 40 улосысь 400 пала спортсменъёс, Удмуртилэсь данзэ 20 спортсмен утиз.

Ижысь «Молодёжный» йӧ двореце тамында калык ӧз люкаськылы на вал. Ужрадлэн данэз бадӟым: татын вормисе потэмъёс, Россилэн огазеям командаяз шедьыса, дуннелэн чемпионатаз мыныны путёвкаос утӥзы. Спортысь та амал шаермы понна чылкак выль луэ ке но, одӥг муртлы медаль басьтыны удалтӥз ик. 60 килограммозь нылъёс пӧлын зарни медаль утӥз Ижысь Альфия Иштрякова.

Куасэн бызьылон

Кин бызьылӥз, кин сапег зӥръяз

21-тӥ феврале Ижысь А. Демидов нимо спорткомплексын «Ижысь лыжня» ӵошатскон ортчиз.

Куасэн бызьылонъя вожвылъяськонэ 100-лэсь трос спортсменъёс-профессионалъёс пыриськизы. Ас быгатонлыксэс эскерыны вуылӥзы Россиысь но кужмо спортсменъёс. Воргоронъёс 20 иськеме бызьылӥзы, нош нылкышноос — 10 иськеме. Вормисе потэмъёс — Кирилл Вичужанин (Ижевск), Рауль Шакирзянов (Пермь), Равиль Валиахметов (Ижевск), Лилия Васильева (Можга), Ольга Кузюкова (Москва) но Оксана Главатских (Кияса) — 100, 75 но 50 сюрс манет кузьым басьтӥзы.

Ӧз вунэ учкыны лыктэмъёс но. Соос понна шулдыр стартъёс, «Анай, атай но мон — тазалыко семья», пельнянь кутонъя но мукет пӧртэм ӵошатсконъёс ортчизы. Тужгес но трос калык пыриськиз гын сапег зӥръянэ.

Параспорт

Воргоронъёслэн нуналазы — медаль    

Дуннеысь инвалид спортсменъёслэн куасэн бызьылонъя но биатлонъя кубок понна нюръяськонзылэн люкетэз та нуналъёсы Германиысь Финстерау городын ортче. 

Ӵошатсконэ 20 странаысь спортсменъёс пырисько. Россилэсь данзэ уте Удмуртиысь биатлонист но куасэн бызьылӥсь Владислав Лекомцев. Биатлонъя спринтын, 2 пол кырыж ыбыса но, 3-тӥ интыозь ӝутскиз. Нош куасэн бызьылонъя ӵошатсконын Россилэн командаез эстафетаын котькинлэсь шаплы луиз.

 

Валентина Емельянова

Удмурт Дунне
By Удмурт Дунне 29 февраля, 2016 16:32 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<