Ижысь цирк дасяське ортчытыны цирк искусствоя 9-тӥзэ калыккуспо фестивалез

Удмурт Дунне
By Удмурт Дунне 29 февраля, 2016 14:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

циркТуэ  но со луоз 4-тӥ-8-тӥ южтолэзе. 16 кунысь 200 пала артистъёс шаерысьтымы учкисьёслы кузьмалозы зэмос праздник.

Таяз фестивале усточи луэмзэс возьматыны но «Зарни гондыръёс» понна нюръяськыны вуозы Россиысь, Австриысь, Америкаысь, Мексикаысь, Италиысь, Испаниысь, Румыниысь, Монголиысь, Китайысь, Уйпал Осетиысь, Канадаысь но Бразилиысь жонглёръёс, гимнастъёс, клоунъёс но мукет артистъёс.

4-тӥ мартэ шаерамы улӥсьёс учкозы ини цирк искусствоысь тужгес яркыт кизилиосты. Кылсярысь, Монголиысь артистъёс возьматозы 2014-тӥ арын дасям номеръёссэс. Егит акробатъёс  та программаенызы миым Москваын ортчем цирк искусстволы сӥзем «Идол» фестивальын 2-тӥ интые потӥзы.

Фестивальын 21 номер возьматэмын луоз, пӧлазы  — П. Чайковскийлэн «Лебединое озеро» балетэз. Та фестиваль возьматэ: тодмо балетэз, сцена вылын сяна, цирк аренаын но чебер но аспӧртэмлыко возьматыны луэ. Дуннеысь классикаез эквилибр амалэн Ижысь циркын адӟытозы Китайысь пинал акробатъёс.

Ӧтем куноос пӧлын — Россиысь Василий Тимченколэн «Зарезь левъёс» аттракционэз. Удмуртиысь учкисьёслы соос тодмоесь ини. 2011-тӥ арын та артист эктӥсь тюленьёсыныз  шаерамы ортчем фестивальын зарнияськиз ни вал. Кылем арын  Сочиын фестивальын Василий Тимченко «Арлэн артистэз» луиз. Соин ик фестивалез радъясьёс туэ сое Иже ќтизы. Учкисьёсты вите зарезь арысланъёсын  выль программа.

Озьы ик вуозы кышкыт пӧйшуръёс. Россиысь калык артист Николай Павленко 30 ар ужа ини тигръёсын. Ижысь учкисьёс адӟозы, кызьы пиосмурт сьӧсьёсын дирижировать каре. Озьы ик луозы клоунъёс. Калыкез серекъятозы Испаниысь Хенри клоун но Россиысь КокосОФФ.  0+

Галина Семёнова

 

Удмурт Дунне
By Удмурт Дунне 29 февраля, 2016 14:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<