Гужем радъяськоз удмурт кылэз дышетонъя лагерь

Удмурт Дунне
By Удмурт Дунне 24 февраля, 2016 12:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

лагерь16-тӥ-23-тӥ пӧсьтолэзе Кез ёросысь Мыркчиньыпи (Сосновый Бор) гуртэ люкаськозы удмурт кылэз дышетыны мылкыд карисьёс. Лагерез радъя «Удмуртлык» огин.

Та лагерь сярысь малпан юнме шорысь ӧз кылды. Адӟиськом, арысь аре удмурт кылэз дышетыны мылкыд карисьёслэн лыдзы будэ.

— Удмурт кылъя курсъёсын удмурт кылэз гинэ дышето, нош милям потэ тодматэммы калык культураен но, — вераз лагерез радъясь Алексей Шкляев. — Чувашие, анай кылзэс дышетонъя школае, ветлэммы бере мылкыдмы эшшо но юнмаз. Та выллемгес ик гужем школа радъя Удмурт филологияя, финно-угроведениея но журналистикая институт, но отчы сюрыны быгато кунгож сьӧрысь егитъёс гинэ.

Мыркчиньыпи гуртын дышетскон 3 пумо луоз. Нимысьтыз программаосъя тодон-валанъёс басьтозы удмурт кылэз воксё тодӥсьтэмъёс, мае-сое валасьёс но удмурт кылэз пыр-почгес но мургес тодэмзы потӥсьёс. Угось удмурт курсъёсты йылпумъямъёс пӧлысь тросэз мылкыд каро дышетсконзэс азинтыны, нош сыӵе луонлык ӧвӧл. Урокъёсты нуозы удмурт кылосбуръя факультетэз йылпумъям дышетӥсьёс.

Лагере вуэмъёс улозы калык пӧлын, вашкала удмурт культура пушкы выёзы, калык кырӟанъёсты-эктонъёсты кылзозы-адӟозы, корт дуронъя, уксётӥрлык лэсьтонъя но мукет мастер-классъёсы пыриськозы.

Мария Векшина

 

Удмурт Дунне
By Удмурт Дунне 24 февраля, 2016 12:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<