Гумыосты выльдыны кулэ миллионъёс

Удмурт Дунне
By Удмурт Дунне Февраль 5, 2016 10:10

Ижысь ЖКХ-ын югдурез чаклало О. Мельниченко но Д. Мусин (паллянысьёсыз).

Ижын пӧсь ву но шуныт сётонэн герӟаськем ужпумез сэрттон-пертчон азинтӥське. Та нуналъёсы элькунамы вуылӥз Россиысь лэсьтӥськонъя но жилищно-коммунальной хозяйствоя министрлэн воштӥсез Андрей Чибис.

Москваысь кивалтӥсь пумиськылӥз городын улӥсьёсын, мылкыдъёссы ся-рысь юалляськиз. Мае кы-лӥз-адӟиз — вераз удмуртиысь Правительствоын ортчем кенешон дыръя.

— Адямиос юанъёссылы тыро-пыдо валэктонъёс уг шедьто, кулэ учреждениосы жингыртыны уг быгато, — шуиз со. — Уг тодо, вутэк, шуныттэк пукемзы понна коньдонзэс берыктозы-а?

Правительствоын кенешонэ пыриськизы мукет вылӥ кивалтӥсьёс, соос пӧлын — Россилэн Президентэзлэн Приволжск федерал округъя оскем муртэзлэн воштӥсез Олег Мельниченко, юрттӥсез Олег Машковцев, озьы ик Удмуртияя валтӥсь федерал инспектор Дмитрий Мусин. Югдурез эшшо огпол пыр-поч эскеремзы бере огкылысь шуизы: шоркарез шуныт сётонлы дасямтэзы понна чиновникъёс кыл кутон улэ кыскемын луыны кулэ, нош вутэк, шуныттэк пукемъёслы — компенсация.

Туннэ тодмо: шоркарез толлы дасямтэзы понна шоркар администрациысь куд-ог чиновникъёс вылэ уголовной уж ӝутэмын ни. Следовательёс юалляськизы Правительстволэн Тӧроезлэсь Виктор Савельевлэсь, Иж городлэн йырызлэсь Юрий Тюринлэсь но мукет чиновникъёслэсь.

Премьер-министр Виктор Савельев верамъя, толлы дасяськон сярысь отчётъёс бумага вылын туж чебересь вал. Ведомствоос куспын 11 кенешонъёс ортчытэмын, городысь кивалтӥсьёс кинюртэмзэс пуктӥзы Удмурт коммунальной системаослэн шуныт сётонлы дась луэмзы сярысь акт вылэ. Но табере ваньмыз син азьын.

Шоркарысь ог 70 процентэз гумыос ярантэм луэмын, соосты выльдон понна араз ӧжытсэ 700 миллион манет кулэ луоз. УКС но город туннэ огкыл шедьто. Гумыосты тыро-пыдо тупатъянъя программа кутыны чакламын.

Элина Васильева

Туспуктэм: gfi18. pfo.ru

 

 

 

 

 

 

 

Удмурт Дунне
By Удмурт Дунне Февраль 5, 2016 10:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<