Гожтэлэ покчи нылпиослы выжыкылъёс, кылбуръёс яке мадиськонъёс!

Удмурт Дунне
By Удмурт Дунне Февраль 16, 2016 09:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

чингылиЕгитъёслэн «Шунды» огазеяськонзы ялӥз конкурс: гожтоно покчи нылпиослы выжыкылъёс,  кылбуръёс яке мадиськонъёс. Тужгес усто ужъёс пырозы «Чингыли» мультимедийной диске.

Та конкурс бадӟым ужлэн оглюкетэз гинэ луэ. «Шунды» огазеяськон дася покчи нылпиослы «Чингыли» диск. Отысь шедьтыны луоз шаертодонъя но удмурт кылэз дышетонъя видеоурокъёсты, визез сынась шудонъёсты, суредъёсын аудиокыллюкамез. Отчы ик пырозы конкурсэ лэзем выжыкылъёс, мадиськонъёс но кылбуръёс. Кызьы верало егитъёс, соин валче узырмоз туала удмурт нылпи литература но.

— Покчи классъёсын дышетскись нылпиослы удмурт кылэз капчигес дышетыны луоз суредъёс, шудонъёс но видео пыр, — вера  проектлэн авторез Анастасия Тутаева. — Таӵе малпан йырам лыктӥз, кыкетӥ курсын дышетскыкум. Проект бордын ужаны мыным юртто «Шунды» огазеяськонысь азьветлӥсьёс. Программист Гриша Григорьев, кылсярысь, лэсьтоз нылпиослы электрон шудонъёс.

Выжыкылъёссэс, мадиськонъёссэс но кылбуръёссэс конкурсэ ыстыны быгато 18 — 35 аресъем адямиос. Ужъёсты келяно  chingyli@yandex.ru адресъя 10-тӥ оштолэзёзь. Вормисьёс пусъемын луозы дуно кузьымъёсын, нош ужъёссы пырозы «Чингыли» диске.

Мария Векшина

Удмурт Дунне
By Удмурт Дунне Февраль 16, 2016 09:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<