Финляндиысь Лахти каре люкаськозы фин-угор калыкъёс

Удмурт Дунне
By Удмурт Дунне 5 февраля, 2016 13:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

FZFu33swIgoТуэ июне Финляндиысь Лахти городын ортчоз дуннеысь фин-угор калыкъёслэн 7-тӥ конгрессы.

Россиысь фин-угор калыкъёслэн ассоциацизылэсь (АФУН-лэсь) отчы ӧтемын 45 мурт. Та огазеяськонлэн кенешезлэн ёзчиез, Россиысь Кун Думаысь депутат Николай Мусалимов мылкыдзэ шараяз:

— Кылем арын гужем Финляндия пумит луиз Россилэсь делегацизэ дораз лэзьыны: Европаысь кунъёслэн ассамблеязылэн (ПАСЕ-лэн) сессиез митэк ортчиз. Фин-угор калыкъёслэн конгрессы дыръя но таӵе югдур медаз кылды вылэм. Фин-угор выжыысь 24 калык пӧлысь 17-ез улэ Россиын: соостэк тыро-пыдо уд эскеры фин-угоръёслэсь лэчыт ужпумъёссэс.

Удмурт азьветлӥсьёс пӧлысь кинлы меда ӵектэмын луоз та конгрессэ пыриськыны? Н. Мусалимов верамъя, элькунмылэсь отчы пыриськыны кулэ 5 мурт. Но та пумысен огкылэ вуэмын луоз «Удмурт Кенешлэн» 11-тӥ-12-тӥ феврале ортчоно съездаз. Николай Николаевич ватсаз на:

— Туэ 25-тӥ январьысен ПАСЕ огазеяськонэн кивалтыны кутскиз выль мурт — Испаниысь политик Педро Аргамунт. Кивалтӥсе пуксемез бере нырысетӥ вазиськоназ ик со пусйиз: Россия но Украина куспын ожлы пум пононо. Тросэз пусъё та политиклэсь визьмо луэмзэ, дуннеысь политикаез мур валамзэ. Оскисько, Россиысь фин-угоръёсты Финляндие лэзён ласянь шуг-секытъёс уз кылдэ.

Елена Никитина

Туспуктэм: udmfoto.ru

Удмурт Дунне
By Удмурт Дунне 5 февраля, 2016 13:29