Филармониын ортчиз аккордеонэн но баянэн шудонъя «Артмиссия» конкурс

Удмурт Дунне
By Удмурт Дунне 26 февраля, 2016 12:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт кун филармониын нырысьсэ ортчиз аккордеонэн но баянэн шудонъя «Артмиссия» конкурс.

SAEn-uBaTVY

Гран-при басьтӥзы Можгаысь пиос Михаил Клименко но Максим Берёзкин.

Отчы пыриськизы 20-лэсь уно усточиос. Покчиос, пиналъёс но егитъёс быдэстӥзы ӟуч но удмурт классикаез, калык гуръёсты, кинооысь но мультфильмъёсысь тодмо кырӟанъёсты. Соослэсь шудыны быгатэмзэс дунъязы жюри но учкисьёс. Залын пукисьёс СМС амалэн куаразэс сётыны быгатӥзы тужгес кельшем усточизылы. Уката но трос вормисьёс вал 13-15 аресъемъёс пӧлын. Кылсярысь, «Кинъёс, кинъёс лыктӥллям» удмурт кырӟанэз аккордеонэн задор шудӥз но кыкетӥ степенё лауреат луиз  Пичи Пурга ёросысь Алевтина Кузнецова.

Воткинскысь Марат Шагалиев.

Воткинскысь Марат Шагалиев.

Нош Воткинскысь Марат Шагалиев шудэмезъя но, сцена вылын ассэ воземезъя но тодэ вайытэ Россиысь тодмо аккордеонистэз Пётр Дрангаез. Кык полэс вормон басьтӥз — нырысетӥ степенё лауреат но луиз, учкисьёслэсь кузьымзэс но мукетъёсызлы ӧз сёты.

4ulQCvYZq2I

Кыкетӥ степенё лауреат луиз Пичи Пурга ёросысь Алевтина Кузнецова.

«Артмиссия» конкурсын нимысьтыз дунъяськизы дуэтъёс. Вожвылъяськизы Можгаысь, та ёросысь ик Пычасысь баянистъёс, шоркарысьтымы «Серпантин»  но искусствоосъя 1-тӥ нылпи школаысь «Гармоника-буги» дуэтъёс.  Куинетӥ луизы Пычасысь пиос, 2-тӥ интые потӥз нылъёслэн «Серпантин» дуэтсы. Нырысетӥ степенё лауреат луиз «Гармоника-буги». Нош гран-при басьтӥзы Можгаысь пиос Михаил Клименко но Максим Берёзкин. «Ми Макс» дуэт быдэстӥз ожгар гуръёсты. Быдӟым ожлы но Быдӟым Вормонлы сӥзем номерлы учкисьёс кема чабизы.

Галина Савина

 Туспуктӥз Наталья Сметанина

Удмурт Дунне
By Удмурт Дунне 26 февраля, 2016 12:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<