Дэри ёросысь «Дэлет» ансамбльлы 5 ар тырмиз

Удмурт Дунне
By Удмурт Дунне 8 февраля, 2016 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
delet

«Дэлет» ансамбль.

Та нуналъёсы «Дэлет» ансамбльмылы 5 ар тырмиз. Солы сӥзьыса, Дэри ёросысь Подшивалысь клубын шулдыръяськон ортчиз.

Бадӟым лыдпус ӧвӧл ке но, ансамбльысь эшъёсынымы ми 50 ар ӵоже  кырӟаськом-вераськом ни кадь. Сокем тупаса но шулдыр улэммы пумысен туж данъяськисько «Дэлет» ансамбленымы, уката ик кивалтӥсенымы Нина Петроваен. Задор мылкыдыныз милемлы чик но тэк улыны маза уг сёты. Уйёссэ изьытэк, малпалоз, кызьы созэ яке тазэ лэсьтоно, сценарийёс дасялоз. Со гинэ мар, Нина Даниловналэн дораз 4 куиськон станокез, выж лёгет но, айшет но, пиосмурт дэрем но куэ, милемыз но дышетэ киужезлы.

Юбилеямы туж трос куноос ветлӥзы: Ижкарысь, Дэри, Пичи Пурга ёросъёсысь. Ваньмыз 13 коллектив вал. Кӧня кузьымъёс, чебересь сяськаос, шуныт кылъёс чузъяськизы та ӝытэ. Клубын ужасьёслы Людмила Яковлевалы но Светлана Асановалы бадӟым тау шуэммы потэ юрттэмзы понна.

Юбилеймес кызьы ортчытон пумысен куректыса, оло, ваньмы пурысьтамы. Но туж умой ортчиз. Ваньдылы ик, эшъёсмы, бадӟым тау!

Галина Захарова

Туспуктӥз Мария Векшина

Удмурт Дунне
By Удмурт Дунне 8 февраля, 2016 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<