Черодэ!

Удмурт Дунне
By Удмурт Дунне Февраль 1, 2016 10:42

рябининаЗинаида Рябинина, валтӥсь редактор:

Кин луон сярысь мон нырысьсэ малпаськыны кутски куать арескам — художник! Но дышетӥсьёс шуизы:  уд пӧрмыты, суредаськон — со огшоры ӧвӧл, со — искусство.

Зэмен но, тросэзлы мон кадь гуртын будэмъёслы искусство сузёнтэм луэ. Сое  кылдытыны гинэ ӧвӧл, кызьы учкыны но ум валаське: чебер яке ӧвӧл, яра яке уг яра. Умой, куке суред вылын тодмо инкуазь, тодмо ымныр… Соин, дыр, туж паймыса учкисько Москваысь Крымской валысь Третьяковской галереяе В. Серовлэн выставкаяз черодын сылӥсьёс шоры. Сыӵезэ азьвыл адӟыны луэ вал Мавзолей дорысь но перестройка вакытэ магазинъёсысь гинэ. Нош табере тани калык вожмаське музее шедён понна — эсьма, ӧссэ  тӥяса, пыро. Адӟытонэз 31-тӥ толшорозь  азьланьтӥзы ни, но калык  уг быры.

Малы сыӵе ажиотаж? Дунтэмысьтыз? 400 манет уго Москва понна уксё ӧвӧл. Яке татчы В. Путин вуылэмысь?

— Мон малпасько, Президент зэмзэ но юрттӥз калыкез кыскыны, — шуэ Ижысь суредан искусствоосъя музейысь отделэн кивалтӥсь Марина Евстафьева. — Берло дыре калык  дунъяны кутскиз ас кунэзлэсь данзэ. Озьы ик луиз татын но, угось Валентин Серов — одӥгез быдӟымез ӟуч художник.

Та вакытэ ик Ижысь музейын ужа Удмуртиысь калык художниклэн Семён Виноградовлэн 80 арес тырмонэзлы сӥзем адӟытонэз.  Трос-а калык вуылӥз ни отчы арня ӵоже?

— Выставкаез усьтон нуналэ калык вал, нош мукетъят милям черод ноку уг луы. Жаляса верано, калык художникъёслэн адӟытонъёсазы но, — вера Марина Вениаминовна. — Билетъёсмы туж дунтэмесь ке но: арлыдоослы — 100 манет, нылпиослы — 60, пенсионеръёслы — 30. Со герӟаськемын шаерысьтымы калыклэн огъя культураеныз. Тужгес но паймыто асьсэды интеллигенция шуисьёс. Музее ӵемгес вуыло школьникъёс, университетысь удмурт кылосбуръя факультетысь студентъёс, но со дыре ик искусствоосъя факультетысь дышетскисьёс, вуоно суредасьёс, уг ик кожало. Туж шер адӟыны кылдэ нимо-дано адямиосты — лыкто ке но, выставкаез усьтонын вераськон поннагес гинэ. Со вакытэ ик дан потто Никас Сафронов доры ветлэменызы — мазэ отысь учкыны луоно, уг валаськы. Ну, со понна асьсэды возьматӥзы…

С. Виноградовлэн выс-тавкаез ужалоз 18-тӥ мартозь. Отын — удмурт тусъёс.  0+

Удмурт Дунне
By Удмурт Дунне Февраль 1, 2016 10:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<