Банкрот луон — дуно

Related Articles

• Пичи Пурга ёросысь Эдэйгуртын ортчиз вал вылын ӵошатскон 0 23.Окт
• Россиын ортчизы Кун Думае быръёнъёс 0 19.Сен
• Швейцариысь но Франциысь куноос вуылозы Сарапулэ 0 11.Июл

Кылем арын октябрь толэзьысен пыӵаны кутскиз «Нимаз адямиосты банкротэ выжтон сярысь» закон.

Таин герӟаськем ужъёсты эскерыны оскемын элькунысьтымы Арбитраж судлы. Отчы вуэмын 22 муртлэсь куриськон: 11-ез банкротэн ялэмын ни, 8 адямилэсь тыриськонъёссэ пытсан понна ваньбурзэс вузаны поттэмын. Банкротэ выжтыны курыса, судэ вазиськыны быгатэ ачиз адями но, банк но, пунэмъёс 500 сюрс манетлэсь ичи ӧвӧл ке, соосъя взносъёс 3 толэзь ӵоже пытсамтэ ке. Созэ я тазэ муртэ банкротэн ялыны курыса, судэ вазиськыны быгатэ вытъёсъя служба но, адями вытъёссэ кема дыр ӵоже уг пытса но трос тыриськонъёсыз люкаськемын ке.

Но банкрот луон сярысь куриськонэн судэ вазиськон дунтэм ӧвӧл. Арбитраж судлы 6 сюрс манет пошлина тыроно луоз, эшшо 10 сюрс манет сётоно луоз финансовой управляющийлы — сое суд юнматоз югдурез тупатон понна.

Елена Никитина

Суредаз В. Штыкова