Балезино ёросын ортчозы анай кыллы сӥзем ужрадъёс

Удмурт Дунне
By Удмурт Дунне 8 февраля, 2016 10:22
089388,веме карон,музей,Лудорвай,национальность,костюм,вышивка,вышивание

«Пужъятэм ӵушкон» конкурс.

Февраль толэзе Балезино ёросысь нылпи садъёсын, культура юртъёсын, библиотекаосын ортчозы анай кыллы сӥзем ужрадъёс. Кылсярысь, Балезиноысь ёрос библиотекаын нырысьсэ радъяськоз «Пужъятэм ӵушкон» конкурс.

Ёрос библиотекаын ужась Надежда Наговицына верамъя, кылем арын со вуылӥз Дэбесэ —  «Удмурт дунне» газетэн но «Удмурт нылкышно кенешен» ялэм «Удмурт ныпъет» фестивалез йылпумъянэ.

— Соку ик малпай, малы ми та выллем конкурс ум радъяське. Озьы туэ нырысьсэ чакламы ортчытыны удмурт  ӵушконлы сӥзем ужрад, малы ке шуоно ӵушкон адямилэн, уката ик вашкалаосмылэн, улоназы бадӟым инты басьтэ вал. Тросэз со сярысь уг ни  тодо, ӵушкон пужъятыны уг ни быгато. Таин валче ми, ёросысь библиотека, историяя но шаертодонъя музей, кибашлыослэн центрзы но Эшъяськон юрт, бадӟым конкурс малпамы. Вожвылъяськон кутскоз 22-тӥ февральысен. Отчы пыриськыны быгато 15 аресысен нылъёс но арлыдо кышноос. Соос мед возьматозы пужъятэм ӵушконъёссэс. Конкурс кыстӥськоз 11-тӥ шуркынмонозь. Март толэзе ми музейын радъяломы удмурт ӵушконъёслы но пужыослы сӥзем адӟытон. Апреле ёросысь киужъёсъя юртын ортчозы мастер-классъёс. Усточиос дышетозы шонер пужъятскыны. Октябре, Арлыдоослэн нуналзылы сӥзьыса, кибашлыос асьсэлэсь быгатонлыкъёссэс егитъёслы возьматозы, вашкала ӵушконъёссэс шыкысысьтызы поттозы. Нош Анайлэн нуналыз азьын конкурслы йылпумъянъёс лэсьтэмын луоз. Соку ик адӟомы: тодо-а Балезино ёросын улӥсьёс удмурт ӵушкон, вашкала пужыос но сям-йылолъёс сярысь, быгато-а пужъятскыны, — шуэ Надежда Леонидовна.

Галина Семёнова

Туспуктэм: udmfoto.ru

Удмурт Дунне
By Удмурт Дунне 8 февраля, 2016 10:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<