Асьсэзыс банкрот карон сярысь вазиськизы 76 адями

Удмурт Дунне
By Удмурт Дунне 8 февраля, 2016 09:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
010588,суд над Кожевниковым,зал суда

Законын пусъемын: банкротствоя уж ӝутӥське, адями банклэсь ӝыны миллион манетлэсь ятыр пунэмаськемын ке.

Кылем арын октябрь толэзе пыӵаны кутскиз «Нимаз адямиосты банкротэ выжтон сярысь» закон.

Со сӥземын секыт югдуре шедем, кредитсэс тырыны быгатӥсьтэм адямиослы. Соос судэ вазиськыны быгато, асьсэды банкротэн ялыны курыса. Таӵе ужен вырыны оскемын Арбитраж судлы.

— Малпамы вал, та закон пыӵаны кутскем бере вазиськисьёс сюрсъёсын люкаськозы шуыса: кредит басьямъёс угось шаерамы ичи ик ӧвӧл, — шуэ Удмуртиысь Арбитраж судлэн кивалтӥсез Алексей Ермолин. — Нош таӵе вазиськонъёс туэ февраль толэзьлы 76 сяна ӧз люкаське. Со пӧлысь 43-езъя эскерон мытэмын ни.

Законын пусъемын: банкротствоя уж ӝутӥське, адями банклэсь ӝыны миллион манетлэсь ятыр пунэмаськемын ке — ичигес кредит басьтэмъёслы та закон пыр капчиятонъёс чакламын ӧвӧл. Судъя приставъёслэн службазы ивортэмъя, элькунамы 6 но ӝыны сюрс муртлэн пунэмъёссы 500 сюрс манетлэсь ятыр.

Но Алексей Ермолин оскытӥз: азьланяз та законэ одно ик воштонъёс пыртэмын луозы — банкротэ выжон сярысь куриськон гожтыны быгатозы 500 сюрс манетлэсь ичигес пунэмаськемъёс но.

Елена Никитина

Туспуктэм: udmfoto.ru

Удмурт Дунне
By Удмурт Дунне 8 февраля, 2016 09:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<