Анай капиталлэсь кутӥськемзэ паськытатоно

Удмурт Дунне
By Удмурт Дунне 8 февраля, 2016 12:57
image172297241

Ялан ужась комиссилэн кивалтӥсез Светлана Кривилёва пусйиз: егитъёслэн дэмланъёссы шонересь, улонлы тупасесь.

Ортчиз Кун Кенешысь Тазалыкез утёнъя, демографияя но семья ужпумъёсъя ялан ужась комиссилэн кенешонэз.

Юкаменск ёросысь депутатъёслэн кенешсылэн уженыз кивалтӥсь Анна Агафонова ивортэмъя, татысь Егитъёслэн парламетсы ӵектонэн потӥз анай капиталэз кутыны газ пыртонэ но корка тупатъянэ.

Зэм, анай капиталэн лэземын коркаез выльдыны. Но законын гожтэмын «реконструкция» кыл — вужмем юртэз чылкак выльдон. Нош, шуом, пушсэ выльдон, чыры-пыры ужъёс законэн чакламын ӧвӧл. Асьме депутатъёс мед вазиськысалзы федерал центре, анай капиталъя законэ ватсанъёс пыртыны курыса. Та уксёез кутыны мед лэзёзы газ кыскыны, корка тупатъяны. Со сяна, мед луысал та уксёен юртэ ву но кыскыны, шуиз А. Агафонова.

Ялан ужась комиссилэн кивалтӥсез Светлана Кривилёва пусйиз: егитъёслэн дэмланъёссы шонересь, улонлы тупасесь. Соин ик, Кун Кенешысь депутатъёсын ӵош кариськыса, матысь дыре вазиськон дасяно Россиысь Правительстволэн Тӧроезлы Дмитрий Медведевлы.

Елена Никитина

 

 

 

Удмурт Дунне
By Удмурт Дунне 8 февраля, 2016 12:57