Алнашъёсты киясаос паймытӥзы

Удмурт Дунне
By Удмурт Дунне 4 февраля, 2016 12:17
070024,Гербер,национальность,костюм,удмурты,традиция,обычай

«Шор куара» (кырӟан мытӥсез озьы шуо) — пересьмонлы сётскисьтэм, котьку капчи мылкыдо Ӝакы апай.

Алнаш ёросысь культура удысысь ветеранъёс, «Оскон» клублэн ёзчиосыз, быдэс автобусэн Кияса ёросэ вуылӥмы.

Киясаын милемыз шуныт пумитаз шаертодонъя музейын ужась Г. Парфёнов, дано суредасьсы П. Кривоногов сярысь вераз.  Собере Уддядиысь «Удмурт корка» музее мынӥмы. Уно аръёс ӵоже сылӥсь корка, кенос пушкысь вашкала тӥрлыкъёс, вӧл-вӧл гидкуазь, куала, кык ӵыж-выль коркаос киясаослэн пӧртэм киужъёсынызы, усточилэн З. Мазитовалэн куэм шобретъёсыныз чебермамын.

Собере вамыштӥмы «Инвожо» ансамблен пумиськонэ. Соос милемыз, бадӟым куноосты сямен, клубын, шулдыр кырӟаса, пумитазы. Пӧлазы «шор куара» (кырӟан мытӥсез озьы шуо) — пересьмонлы сётскисьтэм, котьку капчи мылкыдо Ӝакы апай.   Милемыз соос паймытӥзы омырез сэзъялтытэк кырӟаменызы, выжез зуркатытэк эктэменызы, сям-йылолъёсты быгатыса утеменызы.

Бадӟым тау киясаослы вашкалазэ быгатыса утемзы но туалазэ валаса азьланьтэмзы понна.

Нина Образцова,

 Алнаш черкогурт

Туспуктӥз А. Горбунов

 

 

Удмурт Дунне
By Удмурт Дунне 4 февраля, 2016 12:17