Муш Нади пусъемын Эстониысь Тӧдьы кизили орденэн

Удмурт Дунне
By Удмурт Дунне Февраль 9, 2016 09:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
12552933_10153768496901544_6177075260901742351_n

Муш Нади.

Кылысь кылэ берыктӥсь, писатель Муш Нади (Надежда Пчеловодова) удмурт но эстон калыкъёслэсь кусыпъёссэс азинтэмез, калык культураосты узырмытэмез понна пусъемын Эстониысь Тӧдьы кизили орденэн.

Муш Нади вордӥськемын 1976-тӥ арын Алнаш ёросысь Кадик гуртын.  Удмурт кун университетысь Удмурт кылосбуръя факультетэз йылпумъяса, ужа Йӧскалык библиотекалэн шаертодонъя но фин-угор литературая ёзэтаз. 2004-тӥ арын пыре дышетскыны Эстониысь Таллин университетысь литературая магистратурае, собере — докторантурае.

Муш Нади вань сюлмысьтыз тырше кылысь кылэ берыктонъёс бордын, эстон литератураез берыктэ удмурт кылэ, удмуртсэ — эстон кылэ. Эстониын улэ ке но, Ижын арысь аре ортчытъя эстон но удмурт литератураослы сӥзем ӝытъёс. Отын тодматскыны луэ туала эстон кылбурчиосын но соослэн ужъёсынызы. Али дырлы Муш Нади поттӥз ни 3 кылбур бичетсэ — «Осконэ мынам» (2003), «Эрике мынам» (2005), «Куттэмпыд» (2006).

12669642_10153813892471544_3992366941600810794_n

Эстониысь Тӧдьы кизили орден.

Муш Надилэн творчествоез сярысь лыдӟыны быгатӥськоды татысь: udmdunne.ru/2016/02/mush-nadi-mon-pichi-zhanrem-adyami/

 

Мария Векшина

Туспуктӥз Муш Нади

 

Удмурт Дунне
By Удмурт Дунне Февраль 9, 2016 09:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<