150-лэсь ятыр пиналъёс пыриськизы удмурт кылъя но литературая элькун олимпиадае

Удмурт Дунне
By Удмурт Дунне 16 февраля, 2016 10:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
096205,олимпиада по удмуртскому языку,дети,школа,еда,столовая

Ижысь Кузебай Герд нимо гимназие 150-лэсь ятыр 9-тӥ-11-тӥ классъёсын дышетскись нылъёс но пиос люкаськылӥзы.

Таиз арня вискын ортчиз удмурт кылъя но литературая элькун олимпиада. Отчы, Удмуртиысь сяна, вуылӥзы Татарстанысь но Башкириысь пиналъёс.

Ижысь Кузебай Герд нимо гимназие 150-лэсь ятыр 9-тӥ-11-тӥ классъёсын  дышетскись нылъёс но пиос люкаськылӥзы. Ваньзы соос ас школаосазы, ёросъёсазы, городъёсазы радъяськем вожвылъяськонын вормисе потэмын. Табере кужымзэс мертазы быдэс республикаысь огъёзъёссы пӧлын. Котькудӥз татчы вормонлы осконэн вуэм. Соосын ӵош  удалтонэз витизы дышетӥсьёссы но — олимпиада кутскон азьын но нылпиоссылы визь-кенешен юрттыны выризы на.

Зэм, Дышетонъя но наукая министерство ивортэмъя, вормисьёслэсь нимъёссэс вераны туннэ уг луы на. Соосты шараялозы вуоно арня кутсконын. Но оглюкетэз ужъёс эскеремын ни — нылпиослэн тодон-валанъёссы шумпотто.

— Кылем арын олимпиадаез нырысьсэ выль сямен радъям: одӥгъёсыз нылпиос удмурт литературая, мукетъёсыз удмурт кылъя тодон-валанъёссэс возьматӥзы. Вазен та предметъёс огазеямын вал, — шуиз Дышетонъя но наукая министерствоысь национальной секторысь валтӥсь специалист Надежда Ямаева. — Туэ но та амалэз кутӥм.

Со сяна, олимпиадалэн радлыказ выльдонъёс пыртэмын — соос матэгес каремын Россиысь вожвылъяськонъёслы. Табере 1-тӥ, 2-тӥ но 3-тӥ инты басьтӥсьёс уз луэ ни.  Соос интые, котькуд предметъя быръёзы вормисез но призёръёсты.

Вормисьёс 2 луыны быгатозы — удмурт литературая но удмурт кылъя. Но таос пӧлысь но тужгес кужмозэ быръёзы на — сое ӵектозы Россиын арлы быдэ сётӥськись «Быгатӥсь егитъёс» премиен пусйыны.

Элина Васильева

Туспуктӥз А. Горбунов

Удмурт Дунне
By Удмурт Дунне 16 февраля, 2016 10:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<