10-тӥ-12-тӥ инвожое элькунамы радъяськозы Москвалэн нуналъёсыз

Удмурт Дунне
By Удмурт Дунне 8 февраля, 2016 12:25
imgs-1454492715

Светлана Смирнова.

Удмурт Республикалэн Тӧроезлэн Россиысь Президент бордын ужась оскем муртэз Светлана Смирнова журналистъёслы вераз, ма кариз представительство кылем  арын но кыӵе планъёсыз 2016-тӥ арлы.

Удмурт Республикалэн Тӧроезлэн Россиысь Президент бордын ужась представительствоезлэн  3 валтӥсь ужпумез: Удмуртие туристъёсты но инвестициосты кыскон, шаермылэсь данзэ будэтон но калыккуспо но культурая кусыпъёсты юнматон.

Кылем арын Москваын  шаермылы сӥзем уно ужрадъёс ортчизы. Озьы Удмуртия  сярысь трос тодӥзы кунмылэн шоркарысьтыз тросэз кивалтӥсьёс, ужбергатӥсьёс но огшоры калык.

— Та уж туэ но азьланьтэмын луоз. Кылсярысь, Россиысь Общественной палатаын ортчозы Удмурт Республикалэн нуналъёсыз. Кунгожсьӧр ужъёсъя министерствоын радъяськозы Удмуртилы сӥзем презентациос. Луозы Пыӵал тӥрлык поттӥсьлэн нуналэзлы но дано конструкторлэн М. Калашниковлэн 100 ар тырмонэзлы чаклам ужрадъёс, отчы Удмуртия рос-прос пыриськоз. Туэ гужем нош ик Москваын ортчоз удмурт Гербер. Та пумысен Москваысь Правительствоен кенешемын ини, со ик уксё висъялоз бадӟым шулдыръяськонэз ортчытонлы. Гербер калыкез люкалоз ваньмызлы тодмо «Музеон» парке яке ВДНХ-е. Но со огшоры кырӟан-веран гинэ уз луы. Ужалозы котырес ӝӧкъёс, адӟытонъёс, соос сӥземын луозы Удмуртиысь туризмез азинтонлы. Малпанъёс трос, кылсярысь, кунмылэн шоркараз но  ортчытыны пельняньлы сӥзем фестиваль, та пумысен Москваысь ресторанъёсын вераськыны луоз. Бабушъёслэсь нуналзэс, Москваысь  но песянайёсты люкаса, радъяны. Вань та ужрадъёс шаермылы пайда ваёзы. Республикамес тросгес калык тодӥз ке, инвесторъёс но шедёзы, — шуэ Светлана Смирнова.

Москваын удмурт Герберез чакламын ортчытыны 2-тӥ пӧсьтолэзе. Но солэсь азьло аскваос асьсэос вуозы дорамы. 10-тӥ-12-тӥ инвожое республикаямы радъяськозы Москвалэн нуналъёсыз.

Галина Семёнова

Удмурт Дунне
By Удмурт Дунне 8 февраля, 2016 12:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<