Зинаида Рябинина: «Ческыт» кыллэсь ческыт ке луысал…

Удмурт Дунне
By Удмурт Дунне 26 января, 2016 10:05

 

зк вера

Шаерамы потӥсь «Известия Удмуртской Республики» газет 25 аръем юбилейзэ пусйиз.

Солэн нырысетӥ номерез печатласькиз 1991-тӥ арын 12-тӥ январе. Та вакыт ӵоже потӥз 4425 номер. «Удмурт дуннеез» сутыны бен кема на — сю аресозь эшшо куинь тамында улоно, но пусйыны кулэ: «Известия» — туннэ  одӥгез лыдӟымонэз но тунсыкоез газет.  Мукет ӟуч изданиос пӧлысь со ваньмызлэсь трос саклык висъя удмурт темаослы. Озьы ке но ми куспамы ум вожвылъяськиське. Нялтас вераса, «Известия Удмуртской Республики» та вие  радъя «Люди и события года» ӵошатскон. Отын пӧртэм удысъёсысь  тужгес усто адямиосты, шаерамы ортчем тужгес яркыт ужрадъёсты  пусйыны луэ. Куара сётоно, газетлэн сайтаз пырыса:  izvestiaur.ru/udmpeople/ Эн вунэтэ «Удмурт дунне» понна куарадэс сётыны.

Журналистъёсты азьвыл ялан пыкыло вал, пӧясько, ваньзэ чеберъяса гожъяло шуыса. Табере верасез сюре, акыльтӥды ни, пе,  со зэмлыкен — ну, урод улон,  но малы сое весь веранэз?  Алигес туж пайми, одӥг гажамон тодосчиез кылзӥськыса: азьвыл, пе, улыны умой вал, пересьёс шуылӥзы: вот война быроз но, ваньмыз умой луоз… Озьы арысь аре. Ваньмыз оптимистъёс вал, нош табере нуналмысь уродгес югдур сярысь  иворто, марлы оскыны кулэ егитъёс? Мон соглаш ӧвӧл профессорен.

Бен, югдур секыт, мувӧй дунтэма, доллар-евро будо, улон уродме… Но малы сое ватонэз? Оптимистъёс — выжыкылын улӥсьёс — тросгес мед луозы шуыса? «Ческыт» шуэмлэсь кӧт тыроз шат? Оло, тазьы ик шонер — адями тодэ, мар солы чакланы, кызьы ӵуказе нуналзэ радъяны, кызьы уксёзэ кутыны, аслыз ачиз оскиськыны. Кылсярысь, элькун Кивалтэтлэн Тӧроез таяз арняе ватытэк вераз: бюджетмес оглом 10 процентлы кулэстытэк уз луы, куд-ог учыръёсъя 50 процентозь но шымырсконо луом… Зэм, уждун тырон, пенсиос-пособиос кулэстэмын луыны кулэ ӧвӧл.

Но макем секытгес коньдонэн югдур, сокем тросгес луо олокинлы но — банкъёслы, ульча шорын ик займ сётӥсьёслы, пирамидаослы, телефон мошенникъёслы — оскисьёс. Та сярысь ялан верало-гожъяло, нош югдур уродгес но уродгес луэ. Пенсионеръёс олошайлы люкаса возем сю сюрсъёсын коньдонзэс сёто  воксё тодмотэм адямиослы. Со понна култӥсько сю манетлы квартира дунзэс будэтэм понна…

Удмурт Дунне
By Удмурт Дунне 26 января, 2016 10:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<