«Юрттом Аня Кривенколы» концертын люкаськиз 100 сюрс манет

Удмурт Дунне
By Удмурт Дунне Январь 27, 2016 15:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
krivenko

Та концертэз онлайн-амалэн учкизы Мюнхенын пичи Аня но дыдылэн бубиз Евгений Кривенко.

Толон, 26-тӥ толшоре, Удмурт кун филармониын «Юрттом Аня Кривенколы» благотворительной концерт ортчиз.

Концертэ 400 пала учкисьёс лыктӥзы. Билет вузам коньдон 100 сюрс манет котыр люкаськиз. Та уксё сётэмын луоз Аня Кривенколы.

Тодады вайытон понна: Ижысь вить аресъем дыды секыт висе. Али со бубиныз Германиысь клиникаын тазалыксэ эскере. Кунгож сьӧрын обследование ортчыны но эмъяськыны трос коньдон кулэ, нош та висёнэз (Анялэн шер пумиськылӥсь эпилепсия) Россиын уг эмъяло.

Дыдылы юрттон понна концертэ пыриськизы филармониысь вань коллективъёс, Ижысь «Золушка» но «Мурзилки» эктон ансамбльёс, ваньзэ-ӧвӧлзэ 100-лэсь уно артистъёс.

Та концертэз онлайн-амалэн учкизы Мюнхенын пичи Аня но дыдылэн бубиз Евгений Кривенко. Пиосмурт Удмуртиысь артистъёслы но учкисьёслы вазиськиз Интернет пыр. Е. Кривенко шуиз:

— Бадӟым тау, тӥ милемын, тӥ Анялы юрттӥськоды шуыса. Со туж дуно, туж кулэ милемлы. Туннэ нуналлы ушъяськыны номырин. Выль препаратъёс нылмылы уг юртто на. Но татысь врачъёс оскыто, дыдымес йӧнатыны быгатозы шуыса.

Галина Савина

Туспуктэм: vk.com/izhfil

Удмурт Дунне
By Удмурт Дунне Январь 27, 2016 15:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<