Дуноялозы-а улон инты понна тыриськонъёс?

Удмурт Дунне
By Удмурт Дунне 12 января, 2016 13:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туэ макем зол шӧдӥськозы экономикаын кылем арын кылдэм шуг-секытъёс?  Дуноялозы-а улон инты понна тыриськонъёс? Та сярысь ивортӥз Правительстволэн Тӧроезлэн воштӥсез Андрей Сивцов.

096261,город Ижевск,промышленность,Купол

Уноез заводъёс, кылсярысь, «Аксион», «Купол», «Ижсталь», «Нефтемаш» но «Калашников» концерн, туэ, кылем арын сярысь, тросгес продукция поттыны быгатӥзы.

Бадӟым предприятиос туэ сокем ик ӧз шӧдэ экономикаын кылдэм шуг-секытъёсты. Уноез заводъёс, кылсярысь, «Аксион», «Купол», «Ижсталь», «Нефтемаш» но «Калашников»  концерн, туэ, кылем арын сярысь, тросгес продукция поттыны быгатӥзы. Элькунамы азинтӥське машина поттонъя кластерез кылдытон. Сое радъянэ пыриськозы шаерысьтымы уноез предприятиос. Кылсярысь, «Калашников» концернын матысь дыре басьтӥськозы беспилотникъёсты поттон борды. Соос паськыт кутӥськозы МЧС-ын.

— Огкылэ вуэмын та концерн бордын вуоно арын беспилотной авиацияя центр усьтон пумысен, — шуиз А. Сивцов. — Кулэ луоз бичам аппаратъёссэс эскерыны нимысьтыз площадка. Чакласькомы, со Ува ёросын луоз шуыса.

073462,город Ижевск,производство,завод Ижсталь

Бадӟым заводъёсмы 2018-тӥ арозь заказъёсын тырмытэмын.

Бадӟым предприятиос юртто шаермылэсь экономиказэ возьыны, соослэсь люкаськись выт чотын тырме элькунмылэн бюджетэз. А. Сивцов пусъемъя, кризисэн йырин секытгес йӧтэ пичи но шоро-куспо предприятиослы. Нош бадӟым заводъёсмы 2018-тӥ арозь заказъёсын тырмытэмын. Озьыен, шуг-секытъёс асьмелы кышкыт ӧвӧл.

Улон интылы дунъёс 1-тӥ январьысен уз воштӥське: али мында возиськозы 1-тӥ июлёзь, со бӧрсьы шорлыдын 4 процентлы ӝутскозы. Андрей Сивцов валэктӥз:

— Та учырын шонергес луоз «индексация» кылэз кутыны — ЖКХ тыриськонъёс улонлэн дуноямезъя тупатӥськозы. Ву, тыл, шуныт сётӥсь огазеяськонъёслэн расходъёссы йыло, таиз шодӥське платёжкаос вылын но. Электрокужым понна али киловаттлы быдэ 3 манет 24 копейка тыриськомы, июльысен 20 копейкалы уногес сётомы. 2 процентлы ӝутскоз чагыр эстӥськонлэн дуныз. Огъя учконо ке, июле дунъёс йылозы вань ЖКХ тыриськонъёсъя, баллонэн газлы сяна.

090593,счетчик воды

Июле дунъёс йылозы вань ЖКХ тыриськонъёсъя

Шуныт понна али тыриськомы быдэс ар — котькуд толэзьлы быдэ. Гужем урамын 30 градус пӧсь ке но, расчёткаосын шуныт понна дун вуэ. Малы озьы? Андрей Сивцов валэктэ: толалтэ юртъёсты шунтон туж дуно усе — тыриськон укыр трос луысал. Озьы та дунлэсь оглюкетсэ гужем толэзьёсы тыриськом.

— Но федерал центр вуоно арын сӥзьылысен улосъёслы луонлык сётэ выль системаез кутыны, — пусйиз А. Сивцов. — Шуом, гужем шуныт понна воксё ум тыре, нош толалтэзэ толэзьлы быдэ шуныт сётонэз йылтэмъя ӝутскоз тыриськон но. Озьы шуныт понна дун толалтэзэ тужгес троссэ 1,5 поллы бадӟымгес луыны быгатоз. Макем шунытгес возиськоз тол, сокем ичигес луоз шуныт понна тыриськон. Та выльдӥськон пыӵаз ке но, льгота басьтӥсьёслы юрттэт чакламын луоз азьвыл сямен ик, — шуиз Андрей Сивцов.

Елена Никитина

Туспуктӥз А. Горбунов

Удмурт Дунне
By Удмурт Дунне 12 января, 2016 13:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<