Ваньмыз нормально!

Удмурт Дунне
By Удмурт Дунне Январь 28, 2016 08:50

каринаИтак, мон — Карина. Улӥсько гуртын. Тросэз тодэ, мар со гуртын улон. Мон, шуом, 14 арескам быгатӥсько скал кыскыны. Милям кык скалмы. Одӥгеныз ми корридаен шудӥськом. Точнее, со монэн. Потӥсько гинэ гидэ — шорам быльк! учке. Яратыса солы турын сётӥсько, дӥсьтытэк гинэ азбаре уллясько, нош соилэн сюръёсыз паллянэ, буре лобало. Ярам, пегӟыны вуисько. Ассэ ошак малпа, лэся. Кӧня пол вералляй ни: «Тынад вераед вань, тон йӧл сётӥськод. Тон — скал». Уг вала, баран. А так, в принципе, нормально.

Нош мукетыз скалмы учебной машина кадь ик капчи. Но туж кескич. Пока йӧлын ведра быдэсак ӧз тырмы, ведраез уз ӵыжы. Ну, разве что йӧлын ведраме 24 пол лобатъяз, 4 литр синвуме виятӥз, 220 вольт нерваме сииз. А так, в принципе, нормально.

Ачим сярысь? Шуо, тон, пе, гиперактивной адями, эмоциосыд зашкаливают. Нууу… мар карод. Дырын-дырын йырам полушариосы куспын куинетӥ мировой кутскылэ. А так, в принципе, нормально.

Кыӵе мынам СП — семейной положение? Нууу… Пияш не пияш, яратон не яратон, но 3 адями монэ кышно басьтон сярысь малпаське ни, лэся. Зо-о-ол, малпасько, вожомонъёс пӧзё, нош мыным будоно но будоно ай. «Мынам Удмуртие» радио не знай малы быдэс гуртамы уг куты, асьмелэнэз ик, сарафанноез, устогес ужа, нуналаз 24 час меӵак эфирын. Туж тумошо, куке тон котькинлэсь бер кылӥськод кызьпу арамаын Койык Семонэн чупаськыса сылэмед сярысь. Паймоно. Особенно уд ке тодӥськы, кин со сыӵе Койык Семон. А так, в принципе, ваньмыз нормально!

Алнаш ёрос, Чем-Куюк школа

 

Удмурт Дунне
By Удмурт Дунне Январь 28, 2016 08:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<