«Вамыш» лагерь быдэстэ егитъёслэсь куронъёссэс

Удмурт Дунне
By Удмурт Дунне 13 января, 2016 16:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
вамыш

Сменае 40 кузя удмурт егитъёс пыриськизы.

Егит азьветлӥсьёс Выль ар шутэтскон нуналъёсы тэк ӧз пуке — ужазы  «Вамыш» лагерьын.

Арысь аре удмурт егитъёслэн «Шунды» огазеяськонзылэн сменаез люка бадӟым классъёсын дышетскисьёсты но студентъёсты. 5 нунал ӵоже соос пӧртэм ӧръёсъя ужазы. Туэ «Вамыш» дасяз вуоно вожатойёсты, видеоен, крезьгурен вырисьёсты но ужрад радъясьёсты. Ӵапак удмурт культуралэн та удысъёсаз шуг-секытъёс кылдыло.

— Сменае 40 кузя удмурт егитъёс пыриськизы, — вера «Шунды» огазеяськонлэн правлениезлэн ёзчиез Алина Чернова. — Соос паймытӥзы быгатонлыкъёсынызы: пӧлазы вал кылбурчиос, кырӟасьёс, суредаськисьёс, политикаен тунсыкъяськисьёс, битбоксеръёс но эктӥсьёс. Соос мылысь-кыдысь пыриськизы удмурт кылын «Крокодил» шудонэ, крезьгур сурасьёс пӧлын ӵошатсконэ, спорт шудонъёсы.

Со сяна,  арысь аре егитъёсын ужало психологъёс. Кызьы нюръяськыны шуг-секытъёсын, кыӵе со зэмос воргорон валэктӥзы психологъёс Ирина Трубицына но Лариса Ускова. Пиналъёслэн сюлмазы пыриз Удмурт театрысь артистъёсын пумиськон. Соос егитъёслы В. Шукшинлэн веросъёсызъя спектакль адӟытӥзы. Егит чеберинаос понна ортчиз мастер-класс. Табере соос тодо, кызьы чебер дӥсяськыны но ымнырез шонер буяны.

Йылпумъян ужрад но туэ выль сямен ортчиз — ужрадъёсты дасясьёс  «Вечерний Ургант» телепередачалэсь адӟем каризы. Озьы котькуд отряд аслэсьтыз ужзэ возьматӥз: пиналъёсын ужасьёс адӟытӥзы зэмос вожатойлэсь туссэ, видеоен вырисьёс «Шунды» проектъёслы промо-роликъёс кылдытӥзы, куараен вырисьёс ужрадлэн крезьгуро люкетэз понна кыл кутӥзы.

Егитъёс мылкыдъёссэс али вотэсын шараяло, со тужгес дуноез, пусъё радъясьёс.  Галина Аверкиева, кылсярысь, «Вамыше» 3 пол ветлӥз ни, шуэ, таиз смена тужгес золэз но пайдаёез вал.

Мария Векшина

Туспуктӥз Влад Степанов

Удмурт Дунне
By Удмурт Дунне 13 января, 2016 16:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<